Marriage: పెళ్లి లో జీలకర్ర బెల్లం పెట్టుకోవడం వెనుక చాలా విషయమే ఉంటుంది. జీలకర్ర తో బెల్లం కలిపి మెత్తగా చేసిన ముద్దలో మంచి పాజిటివ్ విద్యుత్ తరంగాలు ఉంటాయి. మన తల మీద ఆ ముద్ద పెడితే నిద్రాణ వస్థలో ఉన్న ఆ కేంద్రం విచ్చుకొని సహస్రార చక్ర గుండా అగ్న చక్రగుండా రెండు కళ్ల మధ్య ఉన్న స్థలం ద్వారా ఉత్తేజితం చేయబడుతుంది.ఆ సుముహూర్తం లో వధూవరులు ఒకరి కళ్ళలో ఒకరు చూసుకున్నప్పుడు ఒకే రకమైన ఆలోచన కలిగి సంసార జీవితం లో ఒకే మాట మీద మంచి ఒకే బాటలో పయనిస్తారు అని నమ్మకం.
జీలకర్ర బెల్లం కేవలం పెళ్ళిలో తల మీద పెట్టుకోవడానికి మాత్రమే కాదు.. నిత్య జీవితం లో ఈ రెండిటిని వాడి ఎన్నో ఆరోగ్య ప్రయోజనాలు పొందవచ్చు. జీలకర్ర ను వాడి పొట్ట సంబంధిత వ్యాధులన్నిటినీ నివారించుకోవచ్చు . ప్రధానంగా ఆడవారి గర్భాశయాన్ని శుభ్రపరచడం తో పాటు సమస్త దోషాలను పోగొట్టి , గర్భసంచి బలం గా ఉండేలా చేసే శక్తి జీలకర్ర కు ఉంది. వీర్యపుష్టి లేనివారు , జీలకర్ర, బెల్లం, కలిపి నూరుకొని చిన్న చిన్న ఉండలుగా చేసుకుని రోజుకు రెండు పూటలా తింటే చక్కని వీర్య పుష్టి వస్తుంది. రెండు చెంచాల జీలకర్రను ఒక గ్లాసు నీటిలో వేసి కషాయంగా కాచి వడగట్టుకుని తాగితే గుండెనొప్పులు, బి.పిని, షుగర్‌ను అదుపు చేస్తుంది.
అజీర్ణ సమస్య ఉన్నవారు , వికారంగా ఉన్నప్పుడు, అరగక పుల్లటి త్రేన్పులు తో బాధపడేవారు కొంచెం జీలకర్రను నములుతూ నెమ్మదిగా రసం మింగుతూ ఉంటే మంచి ఉపశమనం పొందవచ్చు. కడుపులో ఉండే నులి పురుగుల నివారణకు జీలకర్ర ఎక్కువ తీసుకుంటూ ఉంటే సమస్య నివారణ అవుతుంది. మొలల సమస్య ఉన్నవారు వారు, పసుపు కొమ్ములు,జీలకర్ర, సమానంగా తీసుకుని ఆ రెండు కలిపి మెత్తగా దంచి, కుంకుడు గింజ సైజులో మాత్రలు చేసుకుని రోజుకు మూడు పూటలా రెండు మాత్రలు చొప్పున తీసుకుంటే మొలలు బాధ తగ్గుతుంది. ఈ విధంగా మన వంటింట్లో వాడే జీలకర్ర తో కొన్ని రోగాలను నయం చేసుకోవచ్చు.
స్త్రీలు గర్భధారణ స‌మ‌యంలో రక్తహీనత సమస్యను ఎక్కువగా ఎదుర్కొంటుంటారు. బెల్లంలో ఐర‌న్ సంవృదిగా ఉన్న కార‌ణంగా తగిన మోతాదులో తీసుకుంటే రక్తహీనత తగ్గించుకోవచ్చు. అదేవిధంగా బెల్లం, జీలకర్ర కలిపి తినడం వలన రక్త ప్రసరణ కూడా బాగా జరుగుతుంది ఈ రెండిటిని కలిపి తీసుకోవడం వలన రోగనిరోధక శక్తి పెరుగుతుంది. ఈ రెండు పదార్దాలలో యాంటీ ఆక్సిడెంట్లు ఎక్కువగా ఉంటాయి. ఇది రోగనిరోధక కణాలు బలోపేతం చేస్తాయి. ఈ రెండిటిని కలిపి తినడఁ వలన అనేక రకాల అంటువ్యాధుల నుంచి కూడా రక్షణ కలుగుతుంది. బెల్లం జీలకర్రల‌ను కలిపి తీసుకుంటే గుండె జబ్బుల నుంచి బయట పడతాము. బెల్లం , జీలకర్ర రెండు కార్డియో ప్రొటెక్టివ్ చర్య తో ఉండటం వలన ఇది గుండెకు సంబంధించిన రక రకాల వ్యాధులు వచ్చే ప్రమాదాన్ని బాగా తగ్గించేస్తుంది.
