(న్యూస్ ఆర్బిట్ డెస్క్)
శత్రువుల నుంచి తప్పించుకునేందుకు సముద్ర జీవి ఆక్టోపస్ రంగులు మారుస్తుందన్న విషయం అందరికీ తెలుసు. అయితే ఎలాంటి ముప్పూ లేనపుడు కూడా ఒక ఆక్టోపస్ వేగంగా రకరకాలుగా రంగులు మార్చిన వీడియో ఒకటి ఇంటర్నెట్లో హల్చల్ చేస్తున్నది.
ఆక్టోపస్పై రూపొందించిన ఒక డాక్యుమెంటరీ కోసం పబ్లిక్ బ్రాడ్కాస్టింగ్ సర్వీస్ (పిబిఎస్) ఈ వీడియో తీసింది. ఇందులో ముందు తెలుపు, తర్వాత పసుపు, సడన్గా ముదురు గోధుమ వర్ణం.. ఇలా ఆ ఆక్టోపస్ రంగులుమార్చడం కనబడుతుంది. బహుశా ఆక్టోపస్ కల కంటూఉండొచ్చు. అందుకే రంగులు అలా మారుతున్నాయి అని ఒక జంతు శాస్త్రవేత్త అభిప్రాయపడ్డారు. సముద్రగర్భంలో ఒక పీతను భోంచేస్తున్నట్లు కల వచ్చిందేమో అని ఆయన అనడం కూడా వీడియోలోనే ఉంది.