యువ సామ్రాట్ అక్కినేని నాగ‌చైత‌న్య కారులో అమ్మాయితో రొమాన్స్ చేస్తూ పోలీసులకు అడ్డంగా దొరికిపోయాడు. అయితే ఇది ఇప్పుడు జరిగింది కాదు.. కొన్నేళ్ల క్రితం జరిగింది. పైగా ఈ సీక్రెట్ ను చైతు స్వ‌యంగా బ‌య‌ట పెట్టారు. వాస్త‌వానికి చైతు చాలా సైలెంట్‌గా క‌నిపిస్తుంటారు. సోష‌ల్ మీడియాలో గానీ, ఇంట‌ర్వ్యూల్లో గానీ వ్య‌క్తిగ‌త విష‌యాల‌ను పెద్ద‌గా షేర్ చేసుకునేందుకు ఇష్ట‌ప‌డ‌రు.
కానీ, తాజాగా మాత్రం ఓ బిగ్ సీక్రెట్‌ను రివిల్ చేశాడు. పూర్తి వివ‌రాల్లోకి వెళ్తే.. నాగ చైతన్య రీసెంట్‌గా `లాల్ సింగ్ చద్దా` మూవీతో బాలీవుడ్‌లోకి అడుగు పెట్టిన సంగ‌తి తెలిసిందే. బాలీవుడ్‌ మిస్టర్‌ పర్ఫెక్షనిస్ట్‌ అమీర్‌ ఖాన్‌ హీరోగా అద్వైత్ చందన్ ద‌ర్శ‌క‌త్వంలో రూపుదిద్దుకున్న చిత్రమిది. ఆగ‌స్టు 11న పాన్ ఇండియా స్థాయిలో విడుదలైన ఈ చిత్రం ప్రేక్ష‌కుల‌ను తీవ్రంగా నిరాశ ప‌రిచింది.
అయితే ఈ సినిమా ప్ర‌మోష‌న్స్‌లో భాగంగా చైతు ఓ జాతీయ మీడియాకి ఇంటర్వ్యూ ఇచ్చాడు. ఈ ఇంట‌ర్వ్యూలో యాంకర్ కారులో రొమాన్స్ విష‌యంపై ప్ర‌స్తావించాడు. దాంతో చైతు వెంట‌నే మాట్లాడుతూ.. `ఓసారి హైదరాబాద్ లో కారు బ్యాక్ సీట్ లో కూర్చుని అమ్మాయికి ముద్దు పెడుతుండగా పోలీసులకు దొరికిపోయాం` అంటూ ఓపెన్‌గానే చెప్పేశాడు.
ఆయ‌న మాట‌ల‌కు ఒకింత షాకైన యాంకర్.. మ‌రి మీకు భయం వేయ‌లేదా అని ప్ర‌శ్నించాడు. దానికి చైతు `నేనేం చేస్తున్నానో నాకు క్లారిటీ ఉంది అందుకే భయం లేదు` అని న‌వ్వుతూ బోల్డ్ రిప్లై ఇచ్చాడు. ఇక ఆ అమ్మాయి ఎవరు, ఈ సంఘటన ఎప్పుడు జరిగింది అన్న విష‌యాల‌ను చైతు రివిల్ చేయ‌క‌పోయినా.. ఇది ఆయ‌న కాలేజ్ డేస్‌లోనే జ‌రిగి ఉంటుంద‌ని ప‌లువురు అంచ‌నా వేస్తున్నారు.