పాన్ ఇండియా స్టార్ ప్రభాస్, ప్ర‌ముఖ టాలీవుడ్ డైరెక్ట‌ర్ మారుతి కాంబినేష‌న్‌లో ఓ సినిమా తెర‌కెక్క‌బోతోంద‌ని ఎప్ప‌టి నుంచో జోరుగా ప్ర‌చారం జ‌రుగుతున్న సంగ‌తి తెలిసిందే. పీపుల్ మీడియా ఫ్యాక్ట‌రీ, యూవీ క్రియేష‌న్స్ సంయుక్తంగా నిర్మించ‌బోయే ఈ చిత్రానికి `రాజా డీలక్స్` అనే టైటిల్ తో క‌న్ఫార్మ్ చేశార‌ట.
రాజా డీలక్స్ అనేది ఒక పాత సినిమా థియేటర్ అని.. ఆ థియేటర్ చుట్టూ తిరిగే కథతో ఈ సినిమా నడుస్తుందని అంటున్నారు. అలాగే తాతమనవళ్లుగా ప్రభాస్ రెండు పాత్రల్లో కనిపిబోతున్నాడ‌ని కూడా ప్ర‌చారం జ‌రుగుతుంది. అయితే ఈ సినిమాకు సంబంధంచిని అఫీషియ‌ల్ అనౌన్స్‌మెంట్ ప్రభాస్ బ‌ర్త్‌డే సంద‌ర్భంగా వ‌స్తుంద‌ని అంద‌రూ భావించారు.
కానీ, ఇప్పటి వరకూ మేకర్స్ ఎలాంటి అధికారిక ప్రకటన చేయలేదు. అయితే ఏ అప్డేట్ ఇవ్వకుండానే ఈ సినిమాను లాంచ్ చేశార‌ని విశ్వ‌నీయ వ‌ర్గాల స‌మాచారం ద్వారా తెలుస్తోంది. అంతేకాదు, సైలెంట్ గా రెగ్యులర్ షూటింగ్ కూడా జరుపుతున్నారని టాక్ వినిపిస్తోంది.
హైదరాబాద్ లో గ‌ప్‌చుప్‌గా ఈ మూవీ షూటింగ్‌ను ప్రారంభించార‌ట. బుధవారం ప్రభాస్ కూడా చిత్రీకరణలో జాయిన్ అయ్యాడని తెలుస్తోంది. ఈ షెడ్యూల్ లో కొన్ని రెగ్యులర్ సీన్స్ ను చిత్రీక‌రిస్తున్న‌ట్లు తెలుస్తోంది. మొత్తానికి ప్ర‌భాస్‌తో సైలెంట్‌గా ప‌ని కానిచ్చేస్తున్న మారుతి.. ఎప్పుడు ఈ సినిమాపై అనౌన్స్‌మెంట్ ఇస్తాడో చూడాలి.