Bigg Boss 6: బిగ్ బాస్ సీజన్ సిక్స్ ఆరో వారంలో సూర్య కెప్టెన్ కావటం తెలిసిందే. అయితే ఏడో వారం వచ్చేసరికి హౌస్ లో ఎవరు సరిగ్గా గేమ్ ఆడటం లేదని.. కెప్టెన్సీ టాస్క్ నిర్వహించలేదు. అంత మాత్రమే కాదు గతవారం ఇంటి సభ్యులకు భోజనం కూడా పెట్టకుండా టాస్క్ ఆడి గెలిచి… ఫుడ్ తినాలని రూల్ పెట్టారు. దీంతో గత వారం నుండి హౌస్ లో అందరూ పోటాపోటీ పడుతూ గేమ్ ఆడుతున్నారు. ఇదిలా ఉంటే ప్రస్తుతం ఎనిమిదో వారం సగం గేమ్ కంప్లీట్ అయింది. అయితే గురువారం ఎపిసోడ్ లో చివరాఖరికి కెప్టెన్సీ పోటీదారులుగా సూర్య, కీర్తి, శ్రీహాన్ నిలిచారు.
ఈ ముగ్గురిలో శ్రీహాన్ ఎనిమిదో వారం ఇంటికి కెప్టెన్ అవ్వడానికి రెడీగా ఉన్నాడు. చాలామంది శ్రీహన్ కి సపోర్ట్ చేస్తున్నారు. హౌస్ లో ప్రస్తుతం టైటిల్ రేసులో కూడా శ్రీహాన్ పేరు గట్టిగా వినబడుతుంది. ఏడో వారంలో శనివారం ఎపిసోడ్లో హౌస్ లో సగం మంది.. టైటిల్ గెలవడానికి శ్రీహాన్ కి అన్ని అర్హతలు ఉన్నాయని తెలిపారు. చాలా బ్యాలెన్స్ గేమ్ ఆడటం మాత్రమే కాదు.. ఎప్పుడు..? ఎవరితో ఎలా మాట్లాడాలో అంతా కూడా తెలిసిన వ్యక్తి అని చాలామంది చెప్పడం జరిగింది. ఎప్పుడు గొడవపడే ఇనాయా కూడా శ్రీహాన్ గురించి చెప్పటం విశేషం.
ఈ క్రమంలో ఎనిమిదో వారంలో శ్రీహాన్ హౌస్ కి కెప్టెన్ రేసులో ముందు ఉండటంతో అతని గ్రాఫ్ ఇప్పుడు మరింతగా పెరిగింది. సీజన్ స్టార్ట్ అయిన తొలినాళ్ళలో రేవంత్ పేరు గట్టిగ వినబడింది. కానీ రెండు వారాలు నుండి టైటిల్ విషయంలో శ్రీహాన్ పేరు ఎక్కువ వినిపిస్తోంది. అంతేకాదు ఓటింగ్ లో కూడా రేవంత్ నీ శ్రీహాన్ గత వారం దాటేశాడు. మొత్తం మీద చూసుకుంటే బిగ్ బాస్ సీజన్ సిక్స్ లో తాజా పరిణామాలు బట్టి చూస్తే శ్రీహన్ టైమ్ స్టార్ట్ అయింది అని ప్రేక్షకులు అంటున్నారు.