Salaar Game Changer: పాన్ ఇండియా సూపర్ స్టార్ ప్రభాస్ “సలార్” సినిమా డిసెంబర్ 22వ తారీకు విడుదల కాబోతోంది. ఇంకా వారం రోజులు కూడా టైం లేకపోవడంతో.. ప్రమోషన్స్ మెల్లగా సాగుతూ ఉండటంతో ఫ్యాన్స్ అసహనం చెందుతున్నారు. సినిమా యూనిట్ మాత్రం “సలార్” కి ప్రమోషన్స్ అవసరం లేదు అన్నట్టు వ్యాఖ్యలు చేస్తున్నాయి. ఇప్పటికే ఈ సినిమాకి సంబంధించి విడుదలైన ట్రైలర్ సినిమాపై అంచనాలను పెంచేసింది. ప్రభాస్ నీ ఇప్పటివరకు ఎవరు చూపించని విధంగా చాలా వైలెంట్ గా ప్రశాంత్ నీల్ చూపించడం జరిగింది. ఇదిలా ఉంటే “సలార్” రెండు భాగాలుగా విడుదల కాబోతున్న సంగతి తెలిసిందే.
“సలార్ పార్ట్ 1 సీజ్ ఫైర్”… టైటిల్ తో మొదటి భాగం విడుదల కాబోతోంది. రెండో భాగం కూడా వచ్చే ఏడాది విడుదల చేయబోతున్నట్లు మేకర్స్ తెలియజేయడం జరిగింది. వాస్తవానికి సలార్ మొదటి భాగం సెప్టెంబర్ నెలలో విడుదల కావాల్సింది. కానీ టెక్నికల్ వర్క్ ఇంకా పూర్తి కాకపోవటంతో డిసెంబర్ కి వాయిదా వేసి 22వ తారీకు రిలీజ్ చేస్తున్నారు. ఇదంతా పక్కన పెడితే “RRR” లాంటి పెద్ద బ్లాక్ బస్టర్ తర్వాత రామ్ చరణ్ శంకర్ దర్శకత్వంలో “గేమ్ ఛేంజర్” అనే సినిమా చేస్తున్న సంగతి తెలిసిందే. ఈ సినిమాకి సంబంధించి షూటింగ్ శరవేగంగా జరుగుతుంది. చరణ్ కెరియర్ లో ఇది 15వ సినిమా. దీంతో చాలా ప్రతిష్టాత్మకంగా నిర్మాత దిల్ రాజు సినిమాని నిర్మిస్తున్నారు.
ఇదిలా ఉంటే “సలార్” సినిమా మాదిరిగానే “గేమ్ ఛేంజర్” రెండు భాగాలుగా విడుదల చేయాలని నిర్మాత దిల్ రాజు భావించినట్లు టాక్. పైగా ఈ సినిమా చిత్రీకరణ సమయం.. చాలా ఎక్కువ కావటంతో రెండు భాగాలుగా చిత్రీకరించాలని కథలో మార్పులు చేసేలా శంకర్ తో మంతనాలు జరిపినట్లు వార్తలు వస్తున్నాయి. శంకర్ కూడా కథలో మార్పులు చేసినట్లు రెండు భాగాలుగా వచ్చేలా.. సినిమా చిత్రీకరిస్తున్నట్లు టాక్. ఏడది డిసెంబర్ 26 నుంచి 30 వరకు షెడ్యూల్ తర్వాత జనవరి నుంచి ఏకధాటిగా ఫిబ్రవరి వరకు లాంగ్ షెడ్యూల్ తో ఈ సినిమా షూటింగ్ జరుపుకోనుందట. వచ్చే ఏడాది సమ్మర్ లో “”గేమ్ ఛేంజర్” విడుదల చేయబోతున్నట్లు టాక్. రామ్ చరణ్ సరసన హీరోయిన్ గా కీయరా అద్వానీ నటిస్తోంది.