Tillu Square: తెలుగు చలనచిత్ర పరిశ్రమలో సిద్దు జొన్నలగడ్డ యూత్ నీ ఆకట్టుకునే సబ్జెక్టులు చేస్తూ మంచి ఇమేజ్ క్రియేట్ చేసుకున్నాడు. రొమాంటిక్ కథలతో ప్రజెంట్ యువతరాని టార్గెట్ చేసుకొని చేస్తున్న సినిమాలు బాక్స్ ఆఫీస్ వద్ద విజయాలు సాధిస్తున్నాయి. ఈ రకంగానే 2022 సంవత్సరంలో “డీజే టిల్లు” అనే సినిమా చేయడం జరిగింది. ప్రేమ కథ నేపథ్యంలో పీడీవి ప్రసాద్ సమర్పణలో సితార ఎంటర్టైన్మెంట్స్ బ్యానర్ పై సూర్యదేవర నాగవంశీ నిర్మించిన ఈ సినిమాకి విమల్ కృష్ణ దర్శకత్వం వహించారు. హీరోయిన్ గా నేహా శెట్టి అద్భుతమైన నటనతో అలరించడం జరిగింది. ఈ సినిమాలో సిద్దు పలికిన అట్లుంటది మనతోనీ, నువ్వు అడుగుతున్నావా రాధిక వంటి డైలాగ్స్ ఇప్పటికీ సోషల్ మీడియాలో వైరల్ గా ఉండటం మాత్రమే కాదు మిమ్స్ గా ఎంటర్టైన్ చేస్తూ ఉంటాయి.
ఈ సినిమా సిద్దు జొన్నలగడ్డ కెరియర్ లో అనేక రికార్డులు క్రియేట్ చేయడం జరిగింది. ఇప్పుడు ఈ సినిమాకి కొనసాగింపుగా “టిల్లు స్క్వేర్” చేస్తున్నారు. ఈ సినిమా ప్రకటన వచ్చిన నాటి నుంచి యువతలో కొత్త ఆసక్తి పెరిగింది. “టిల్లు స్క్వేర్” సినిమా నుండి ఏదైనా అప్డేట్ వస్తుందేమోనని ఎప్పటినుండో ఎదురుచూస్తున్నారు. ఈ క్రమంలో కొన్ని పాటలను విడుదల చేయగా.. అవి పర్లేదనిపించాయి. అయితే ఫిబ్రవరి 7వ తారీకు సిద్దు జొన్నలగడ్డ పుట్టిన రోజు సందర్భంగా “టిల్లు స్క్వేర్” సినిమా యూనిట్ గ్లింప్స్ వీడియో విడుదల చేయడం జరిగింది. ఈ గ్లింప్స్ వీడియోలో రాత్రి సమయంలో కారు నడుపుతూ తన పక్కనే ఉన్న లిల్లీ అనగా హీరోయిన్ అనుపమ పరమేశ్వరన్..టిల్లుకి పుట్టినరోజు శుభాకాంక్షలు తెలియజేసి ముద్దు పెట్టడం చూపించారు. ఈ క్రమంలో గత పుట్టినరోజు సమయంలో ఎలా పార్టీ చేసుకున్నారు అని ప్రశ్నించడం జరుగుద్ది. దానికి టిల్లు మొదటి భాగం సినిమాకి సంబంధించి స్టోరీని ఒక సినిమా కథగా తెలియజేస్తాడు.
ఈ క్రమంలో కాస్త హాస్య పద్ధతిలో టిల్లు చెప్పిన విధానం.. అందరినీ ఆకట్టుకోవడం జరిగింది. మొదటి భాగంలో మాదిరిగానే రెండో భాగంలో “టిల్లు స్క్వేర్” అదే తరహా స్లాంగ్ తో సిద్దు జొన్నలగడ్డ తన డైలాగులతో మ్యాజిక్ చేయడం జరిగింది. ఇక ఈ సినిమాకి సంబంధించి ట్రైలర్ ప్రేమికుల దినోత్సవం కానుకగా ఫిబ్రవరి 14వ తారీకు విడుదల చేయబోతున్నారట. ఎస్ తమన్ ఈ సినిమాకి సంగీతం అందించారు. మల్లిక్ రామ్ దర్శకత్వం వహిస్తున్న ఈ సినిమాని సితార ఎంటర్టైన్మెంట్స్ బ్యానర్లో నాగ వంశీ నిర్మిస్తున్నారు. వేసవి కానుకగా ప్రపంచవ్యాప్తంగా మార్చి 29వ తారీకు “టిల్లు స్క్వేర్” విడుదల కాబోతోంది.