Yatra 2: వైసీపీ అధినేత సీఎం జగన్ పొలిటికల్ కెరియర్ ఆధారంగా తీసిన సినిమా “యాత్ర 2”. మహీ వి రాఘవ్ దర్శకత్వంలో తెరకెక్కిన ఈ చిత్రం ఫిబ్రవరి 8వ తారీకు రిలీజ్ అయింది. మొదటి రోజు పాజిటివ్ టాక్ సొంతం చేసుకుంది. సరిగ్గా 2019 ఎన్నికలకి ముందు ఇదే దర్శకుడు “యాత్ర” అనే సినిమా తీయడం జరిగింది. వైయస్ రాజశేఖర్ రెడ్డి పాదయాత్ర ఆధారం చేసుకుని తీసిన ఈ సినిమా సూపర్ డూపర్ హిట్ అయింది. రాజకీయంగా సమయంలో వైసీపీ పార్టీకి మంచి మైలేజ్ ఈ సినిమా తీసుకొచ్చినట్లు అయింది. కాగా ఇప్పుడు వైయస్ రాజశేఖర్ రెడ్డి మరణానంతరం వైయస్ జగన్ ఎదుర్కొన్న పొలిటికల్ సమస్యలను ఆధారం చేసుకుని “యాత్ర 2” చేశారు.
ఈ సినిమాలో వైయస్ జగన్ ఓదార్పు యాత్ర ఇంకా 2014లో ప్రతిపక్షం నేతగా ఉన్న సమయంలో ఎదుర్కొన్న ఇబ్బందులు, 2019 ఎన్నికలలో సీఎం కావటం అన్నిటిని కళ్ళకి కట్టినట్లు చూపించారు. మహి వి రాఘవ్ దర్శకత్వం వహించిన ఈ సినిమాలో చాలా ఎలిమెంట్స్ జగన్ అభిమానులను టచ్ చేశాయి. అయితే అన్నిటికంటే ముఖ్యంగా సురేష్ అనే వైసీపీ కార్యకర్తని అక్రమ కేసుల్లో అరెస్టు చేయటం సీన్ చాలామందిని ఆకట్టుకుంది. రాజధాని భూములలో చెట్లు కాల్చేశారని జగన్ మీద నింద వేయటానికి పోలీసుల చేత సురేష్ ని చాలా దారుణంగా జగన్ ప్రత్యర్ధులు హింసిస్తారు. కానీ ఎక్కడా కూడా సురేష్ లొంగకుండా న్యాయం వైపు నిలబడటం జరుగుద్ది. ఈ సన్నివేశంలో పోలీసులు సురేష్ ని ఇంటి దగ్గర విడిచి పెట్టేస్తారు.
అనంతరం కుటుంబ సభ్యులు ఎందుకయ్యా రాజకీయాలు ఎవరైనా వచ్చి మనల్ని ఆదుకుంటారా మనమెంత మన బతుకులు ఎంత అని సురేష్ కి నచ్చచెప్పుతారు. వైయస్ రాజశేఖర్ రెడ్డి ఆరోగ్యశ్రీ వల్ల తన తండ్రి 10 సంవత్సరాల అధికంగా బతికినట్లు సురేష్ బదులిస్తాడు. ఈ క్రమంలో విషయం మొత్తం తెలుసుకున్న వైయస్ జగన్ స్వయంగా సురేష్ ఇంటికి వచ్చి.. నువ్వు న్యాయం కోసం నిలబడ్డావు నిన్ను కొట్టిన పోలీసుల రాబోయే రోజులలో నీకు సెల్యూట్ చేసేలా నేను చూసుకుంటా అంటూ సినిమాలో చెప్పిన డైలాగ్ థియేటర్ లో మంచి రెస్పాన్స్ రప్పించింది. ఆ తర్వాత అదే సురేష్ 2019 ఎన్నికలలో బాపట్ల ఎంపీగా గెలవడం జరుగుతుంది. “యాత్ర 2” బ్లాక్ బస్టర్ టాక్ సొంతం చేసుకోవటంతో థియేటర్లు హౌస్ ఫుల్ అవుతున్నాయి. జగన్ పాత్రలో జీవ అద్భుతమైన హావభావాలు పలికించారు.