Black Pepper: ప్రతి ఒక్కరూ తమ దైనందన జీవితంలో పలు రోగాల బారిన పడుతున్నారు. అయితే చాలా రోగాలు తగ్గించుకునే దివ్య ఔషదాలు మన ఇంట్లో ఉంటాయన్న సంగతి తెలుసు కానీ ఎవ్వరూ వాటి ఉపయోగాల గురించి తెలుసుకోరు. అలాంటి దివ్య ఔషదాల్లో సుగంధ ద్రవ్యాలు మిరియాలు కూడా ఒకటి. పురాతన కాలం నుండి మిరియాలను వంటింటి దినుసులుగా ఉపయోగిస్తున్నారు. దీంతో పాటు ఆయుర్వేదంలో కూడా మిరియాలను ఉపయోగిస్తారు.
మిరియాలు వంటలకు చక్కని రుచి తీసుకువస్తాయి. కొన్ని ప్రాంతాల్లో కారం పొడికి బదులుగా మిరియాలను వాడుతుంటారు. అయితే మిరియాలలో అనేక అధ్భుత ఔషద గుణాలు దాగి ఉన్నాయనీ, వాటితో పలు రోగాలను, సమస్యలను చెక్ పెట్టవచ్చని ఆయుర్వేద వైద్య నిపుణులు చెబుతుంటారు. మిరియాలతో బరువు తగ్గడం నుండి జలుబు, దగ్గు, జీర్ణ సమస్యలను తగ్గించుకోవచ్చని పేర్కొంటున్నారు. ముఖ్యంగా మిరియాలను రోజు తీసుకోవడం ద్వారా అధిక బరువును సులభంగా తగ్గించుకోవచ్చని సూచిస్తున్నారు.
మిరియాలలో కొవ్వును కరిగించే గుణాలు ఉన్నాయి. నాలుగైదు మిరియాలను తీసుకుని వాటిని తమలపాకుల్లో పెట్టుకుని నిత్యం నిమిలి మింగితే అధిక బరువు త్వరగా తగ్గవచ్చని సూచిస్తున్నారు. ఒక గ్లాస్ గోరు వెచ్చటి నీటిలో కొద్దిగా నిమ్మరసం, కొంచెం తేనె, ఒక టీ స్పూన్ మిరియాల పొడిని కలిపి నిత్యం ఉదయాన్నే పరగడుపునే తాగితే అధిక బరువు తగ్గవచ్చని పేర్కొంటున్నారు. బ్లాక్ పెప్పర్ ఆయిల్ ను కూడా ఉపయోగించవచ్చని చెబుతున్నారు. ప్రతి రోజు ఒక గ్లాసు నీటిలో ఒక బ్లాక్ పెప్పర్ ఆయుల్ ను వేసి ఉదయాన్నే తాగితే శరీరంలోని మలినాలతో పాటు కొవ్వు కరుగుతుంది. దీంతో అధిక బరువును నియంత్రించవచ్చు. అదే విధంగా మిరియాల నీటిల అల్లం రసం, తులసి ఆకులు, దాల్చిన చెక్క పొడి వేసి టీలాగా తాగితే అధిక బరువు త్వరగా తగ్గవచ్చు. వీటితో పాటు ఆహారంలో మిరియాలను ఉపయోగించినా కొవ్వు తగ్గతుందని ఆయుర్వేద వైద్యులు చెబుతున్నారు.