Fever Cold: అసలే వర్షాకాలం.. అనేక వ్యాధులకు నిలయం.. వానాకాలం వస్తూ వస్తూనే అనేక రకాల వ్యాధులను మూటగట్టుకుని వస్తుంది.. శరీరంలో రోగనిరోధక శక్తి తగ్గితే వెంటనే ఇన్ఫెక్షన్ల బారిన పడతారు.. ఈ సీజన్ లో దగ్గు, జలుబు, జ్వరం ఎక్కువగా వస్తూ ఉంటాయి.. పిల్లలకు దగ్గు, జలుబు, జ్వరం, కఫం వస్తే ఓ పట్టాన తగ్గవు.. ఇందుకోసం హాస్పిటల్ చుట్టూ తిరగకుండా ఇంట్లోనే ఉండే వాటితో తగ్గించుకోవచ్చు.. జ్వరం, దగ్గు, జలుబు, కఫం కి చెక్ పెట్టే ఇంటి చిట్కా ఎలా తయారు చేసుకోవాలో ఇప్పుడు తెలుసుకుందాం..!!
Fever Cold: జ్వరం, దగ్గు, జలుబు, కఫం కి చెక్ పెట్టే ఇంటి చిట్కా..!!
కావాల్సినపదార్థాలు :
తిప్పతీగ ఆకు – 1, తమలపాకు ఆకు – 1, వాముఆకు – 1, తులసి ఆకు – 20, తేనె, బెల్లం – ఒక స్పూన్.
తిప్పతీగ, తమలపాకు, వాము, తులసి ఆకులను శుభ్రంగా కడగాలి. వీటిని మిక్సీ పట్టి రసం తీయాలి. ఇలా తీసుకున్న రసంలో ఒక స్పూన్ బెల్లం లేదా తేనెను కలపాలి. దీనిని ఉదయం, మధ్యాహ్నం, రాత్రి మూడు పూటలా పిల్లలకు తాగించాలి. ఒకటి నుంచి ఐదు నెలల లోపు పిల్లలకు ఒక స్పూన్ తాగించాలి అదే ఎనిమిది నుంచి పది నెలల లోపు పిల్లలకు ఒకటిన్నర స్పూన్ మోతాదులో తీసుకోవాలి. సంవత్సరం పిల్లలకు రెండు స్పూన్లు పట్టాలి. మూడు సంవత్సరం లోపు పిల్లలకు 3 స్పూన్స్ పట్టాలి. ఇలా రోజుకు మూడు పూటలా దీన్ని తాగించడం వలన త్వరగా జలుబు, దగ్గు, జ్వరం తగ్గుతుంది.
వీటిలో చాలా ఆయుర్వేద ఔషధ గుణాలు ఉన్నాయి. ఇవి రోగనిరోధక శక్తిని మెరుగుపరుస్తాయి. శరీరం లోకి ఎటువంటి వైరస్లు రాకుండా కాపాడుతుంది . ఈ సీజన్లో వచ్చే అనేక ఫ్లూ నుంచి రక్షిస్తుంది. తిప్పతీగ, తులసి లో ఎన్ని ఆయుర్వేద ఔషధ గుణాలు దాగి ఉన్నాయో ప్రత్యేకంగా చెప్పనవసరం లేదు. వీటిని అనేక ఆయుర్వేద ఔషధాల తయారీలో ఉపయోగిస్తారు. తమలపాకులు ఐరన్ ఎక్కువగా ఉంటుంది. సాధారణంగా తమలపాకు నమిలి తింటే దగ్గు జలుబు కఫం త్వరగా తగ్గుతుంది. వీటి వలన వచ్చిన జ్వరం ను కూడా తగ్గిస్తుంది. ఇటువంటి ఔషధ గుణాలు ఉన్న తిప్పతీగ, తమలపాకు, వాము, తులసి తో తయారు చేసుకున్న రసాన్ని తీసుకోవడం వలన జలుబు, దగ్గు, జ్వరం ను తగ్గిస్తుంది. కఫం నుండి తక్షణ ఉపశమనాన్ని కలిగిస్తుంది.
