Bhagavanth Kesari: నటసింహం నందమూరి బాలయ్య బాబు వరుస విజయాలతో దూసుకుపోతున్నారు. వయసుతో సంబంధం లేకుండా సినిమాలు చేయడంలో కుర్ర హీరోలకు దీటుగా వరుస ప్రాజెక్టులు లైన్ లో పెడుతున్నారు. కరోనా తర్వాత బాలకృష్ణ నటించిన సినిమాలు మొత్తం కూడా బాక్సాఫీస్ వద్ద విజయాలు సాధించాయి. 2021 లో వచ్చిన “అఖండ” ఆ తర్వాత ఈ ఏడాది ప్రారంభంలో వచ్చిన “వీరసింహారెడ్డి” రీసెంట్ గా విడుదలైన “భగవంత్ కేసరి” మూడు సినిమాలు టాలీవుడ్ బాక్సాఫీస్ వద్ద బ్లాక్ బస్టర్ విజయాలు సాధించాయి. అంతేకాదు “భగవంత్ కేసరి” రీసెంట్ గా దసరా పండుగ సందర్భంగా విడుదలయ్యి వంద కోట్లకు పైగా కలెక్షన్స్ సాధించి విజయవంతంగా ప్రదర్శితం అవుతుంది.
అయితే ఈ సినిమాకి ఓవర్సీస్ లో వన్ మిలియన్ డాలర్ కలెక్షన్స్ రావటం జరిగిందట. ఈ రకంగా బాలయ్య నటించిన అఖండ, వీర సింహారెడ్డి, “భగవంత్ కేసరి” మూడు సినిమాలు అదే స్థాయిలో కలెక్షన్స్ రాబట్టి యూఎస్ఏ బాక్సాఫీస్ వద్ద హ్యాట్రిక్ నమోదు చేయడం జరిగిందట. దీంతో ప్రపంచవ్యాప్తంగా ₹100 కోట్ల గ్రాస్ రాబట్టిన తొలి సీనియర్ హీరోగా బాలకృష్ణ సరికొత్త రికార్డు తన పేరిట నమోదు చేసుకోవడం జరిగిందట. అనిల్ రావిపూడి దర్శకత్వంలో “భగవంత్ కేసరి” తెరకెక్కింది. ఈ సినిమాలో బాలకృష్ణని చాలా వైవిధ్యమైన పాత్రలో చూపించడం జరిగింది. మెసేజ్ ఓరియంటెడ్ తరహాలో తీసిన ఈ సినిమా ప్రేక్షకులను ఎంతగానో ఆకట్టుకుంది.
తెలంగాణ యాసలో నేలకొండ “భగవంత్ కేసరి” పాత్రలో బాలయ్య నట విశ్వరూపం చూపించారు. అనిల్ రావిపూడి కామెడీ హ్యూమర్.. బాలకృష్ణ మరియు శ్రీ లీల మధ్య ఎమోషన్ సన్నివేశాలు సినిమాకి హైలెట్ గా నిలిచాయి. తన మార్క్ కామెడీ తో పాటు అదిరిపోయే యాక్షన్ జోడించడంతో.. సినిమా బాగా ప్రేక్షకులకు కనెక్ట్ అయ్యింది. ఈ క్రమంలో బాలకృష్ణ వన్ మ్యాన్ ఆర్మీ గా.. వెండితెరపై చెలరేగిపోయారు. దసరా పండుగ నేపథ్యంలో విడుదలైన “భగవంత్ కేసరి”.. బాక్సాఫీస్ వద్ద బిగ్ హిట్ గా నిలిచింది.