Pushpa 2: ఐకాన్ స్టార్ అల్లు అర్జున్ “పుష్ప 2” కోసం దేశం మొత్తం ఎదురు చూస్తూ ఉంది. ఈ క్రమంలో ఏప్రిల్ 8వ తారీకు అల్లు అర్జున్ పుట్టినరోజు సందర్భంగా “పుష్ప 2” టీజర్ రిలీజ్ చేస్తున్నట్లు నిర్మాణ సంస్థ మైత్రి మూవీ మేకర్స్ ప్రకటన చేయడం జరిగింది. అందరూ ఎంతో ఉత్కంఠ భరితంగా ఎదురుచూస్తున్న “పుష్ప 2” దీ రుల్ టీజర్ ఏప్రిల్ 8వ తారీకు రిలీజ్ చేస్తున్నట్లు తెలిపారు. ఆరోజు పుష్ప మాస్ జాతర మొదలవుతుందని.. ఈసారి డబల్ ఫైర్ తో రాబోతున్నాడు. ప్రపంచవ్యాప్తంగా “పుష్ప 2” ఆగస్టు 15వ తారీకు రిలీజ్ కాబోతున్నట్లు ప్రకటన చేయడం జరిగింది.
ఈ క్రమంలో విడుదల చేసిన స్పెషల్ పోస్టర్ లో అల్లు అర్జున్ కాలికి గజ్జలు కట్టి చూపించడంతో టీజర్ కోసం అభిమానులు ఎంతగానో ఉత్కంఠ భరితంగా ఎదురుచూస్తున్నారు. ఇదిలా ఉంటే ఏప్రిల్ 5వ తారీఖు ఈ సినిమాలో హీరోయిన్ రష్మిక మందన జన్మదినోత్సవం. దీంతో ఆరోజు రష్మికకి సంబంధించి స్పెషల్ పోస్టర్ విడుదలయ్యే అవకాశం ఉన్నట్లు వార్తలు వినిపిస్తున్నాయి. డైరెక్టర్ సుకుమార్ రెండో భాగం “పుష్ప” చాల ప్రతిష్టాత్మకంగా తెరకెక్కిస్తున్నారు. మొదటి భాగంకి ప్రపంచవ్యాప్తంగా వచ్చిన రెస్పాన్స్ దృష్టిలో పెట్టుకుని రెండో భాగం మరింత ఎంటర్టైన్ చేసే విధంగా.. చిత్రీకరించడం జరిగింది అంట.
తగ్గేదేలే లాంటి మేనరిజమ్స్ డైలాగులు రెండో భాగంలో కుప్పలు తెప్పలుగా ఉంటాయని ఇండస్ట్రీ టాక్. అలాగే మొదటి భాగంలో “ఊ అంటావా” అనే ఐటెం సాంగ్… బ్లాక్ బస్టర్ హిట్ అయింది. ఇక సెకండ్ పార్ట్ లో దానికి మించి దేవి శ్రీ ప్రసాద్ ఐటెం సాంగ్ ఇచ్చినట్లు టాక్. 2021 లో విడుదలైన పుష్ప ఊహించని విజయం సాధించటంతో… దానికి మించి రెండో భాగం ఉండే విధంగా మేకర్స్ శ్రద్ధ తీసుకుంటున్నారు అంట. ఈ క్రమంలో అల్లు అర్జున్ జన్మదినోత్సవం నాడు ఏప్రిల్ 8వ తారీకు “పుష్ప 2” టీజర్ రిలీజ్ అవుతూ ఉండటంతో అభిమానులు ఫుల్ హ్యాపీగా ఉన్నారు.