ఎవ్వరినీ వదిలేది లేదు

జోరుగా శశి థరూర్ ఎన్నికల ప్రచారం
పిలవని పెళ్లికి వెళ్లి.. అక్కడ పలకరింపు
రోడ్డు పక్కన ఆటో డ్రైవర్లతో ‘చాయ’ సేవనం
తిరువనంతపురం: ఎన్నికలు వచ్చాయంటే రాజకీయ నాయకులు వేసే వేషాలు అన్నీ ఇన్నీ కావు. నిన్న మొన్నటి వరకు విలాసవంతమైన ఏసీ కార్లలో ప్రయాణిస్తూ కనీసం రోడ్డువైపు కూడా చూడకపోయినా.. ఎన్నికలు వస్తే పూర్తిగా రోడ్ల మీదకే వస్తారు. ఆటో డ్రైవర్లతో కలిసి రోడ్డు పక్కన ‘చాయ’ తాగడం, రాజ కుటుంబ సభ్యులను కలవడం, తర్వాత అమ్మతో కలిసి భోజనం చేయడం.. అన్నీ ఇలాంటివే. తిరువనంతపురం ఎంపీ, కాంగ్రెస్ నాయకుడు శశి థరూర్ ఇవన్నీ చేయడంతో పాటు ఏకంగా ఓ పిలవని పెళ్లికి వెళ్లి అక్కడ నవ వధూవరులతో పాటు అందరినీ పలకరించి ఓట్లు వేయమని అడిగారు. ట్విట్టర్ లో మంచి ఫాలోయింగ్ ఉన్న శశి థరూర్.. తన ప్రచారానికి సంబంధించిన కొన్ని ఫొటోలను ట్వీట్ చేశారు. ఎక్కడకెళ్లినా ఏవో జోకులు వేయడం థరూర్ అలవాటు. దాంతో ఆయన ఏమన్నారో గానీ పెళ్లివాళ్లంతా నవ్వడం మాత్రం ఫొటోలో కనిపించింది.

‘‘ఎన్నికలు వచ్చాయంటే ఎవరినీ వదలం.. చివరకు పెళ్లికొడుకు, పెళ్లికూతురు కూడా. ఓట్ల కోసం ఎంపీ వచ్చినపుడు వాళ్లు పాపం భోజనం చేసేందుకు ప్రయత్నిస్తున్నారు’’ అని ఆయన ట్వీట్ చేశారు. అంతకుముందు ఉదయమే ట్రావన్ కోర్ రాజకుటుంబ సభ్యులను కలిశారు. 2009లో తొలిసారి లోక్ సభకు ఎన్నికైన థరూర్, ఆ తర్వాత 2014లో కేవలం 15వేల ఓట్ల తేడాతో బయటపడ్డారు. ఈసారి ఆయనతో మిజొరాం మాజీ గవర్నర్ కుమ్మనం రాజశేఖరన్ పోటీ పడుతున్నారు. ఆయన ఆర్ఎస్ఎస్ సభ్యుడిగా జీవితం ప్రారంభించి, 2015 నాటికి కేరళ బీజేపీ అధ్యక్ష స్థాయికి ఎదిగారు. అయినా ఈసారి గతం కంటే ఎక్కువ మెజారిటీ సాధిస్తానని థరూర్ ధీమా వ్యక్తం చేశారు. మోదీ సర్కారుపై ఆయన తరచు విమర్శలు చేస్తుంటారు.

https://twitter.com/ShashiTharoor/status/1110164272435195905

https://twitter.com/ShashiTharoor/status/1110086073642684416

No one is spared during elections- not even the groom and bride trying to get a quiet lunch when their MP comes canvassing for votes! pic.twitter.com/I8wauC4eKM

— Shashi Tharoor (@ShashiTharoor) March 25, 2019

Enjoyed a brief break from campaigning to celebrate the birthday of my sister Shobha w/our mother. Lunched at the Taj for the last time: it closes for good next week to make way for a Hyatt. Will miss the always efficient & thoughtful staff, led by GM VK Prasad, & their service! pic.twitter.com/b5neEBjGtp

— Shashi Tharoor (@ShashiTharoor) March 25, 2019

Took a moment from my campaigning to thank this traffic cop at a busy junction for his service and offer him water. This is no weather for a uniformed officer to be standing in the middle of the road, but we should all be grateful that he is. Salute! pic.twitter.com/4XqSMPH8Km

— Shashi Tharoor (@ShashiTharoor) March 25, 2019

Kamesh

See Full Bio