(న్యూస్ ఆర్బిట్ డెస్క్)
మనం మన కారును ఎంత అపురూపంగా చూసుకుంటాం! రోజూ పొద్దున్నే కారును తళతళా మెరిసేలా శుభ్రంగా తుడుస్తాం. అలాంటిది కారుకు ఆవు పేడ పులిమి, అందులో తిరగమని ఎవరన్నా సలహా ఇస్తే?
అహ్మదాబాద్లో ఒక గృహిణి అదే పని చేసింది. ఆవు పేడ కోటింగ్ వల్ల తన కారు లోపల చల్లగా ఉంటుందనీ, ఎయిర్ కండిషనర్ వాడాల్సిన అవసరం కూడా ఉండదనీ ఆమె అంటున్నది.
ఇంట్లో చల్లగా ఉండేందుకు గోడలకు ఆవు పేడ పూస్తున్నపుడు కారుకు కూడా అదే సూత్రం ఎందుకు వర్తించదని తనకు అనిపించినట్లు సేజల్ షా చెప్పింది. తన టొయోటా ఆల్టిస్ కారులో వేసవిలో చల్లగా, చలికాలంలో వెచ్చగా ఉంటుందని ఆమె అంటోంది. పైగా దీని వల్ల వాతావరణ కాలుష్యం తగ్గుతుందని కూడా ఆమె పేర్కొన్నది. సేజల్ షా కారు ప్రస్తుతం నెట్లో సంచలనంగా మారింది.
https://youtu.be/uA8n246Go2c
Video Courtesy: ANI