Bigg Boss 6: బిగ్ బాస్ సీజన్ సిక్స్ శనివారం ఎపిసోడ్ లో హోస్ట్ నాగార్జున ఒక సందర్భంలో “నారాయణ నారాయణ” అంటూ అనడం జరిగింది. హౌస్ లో జంటగా అడుగుపెట్టిన “రోహిత్ మెరీనా” ఇద్దరి మధ్య కొద్దిగా గ్యాప్ రావడంతో…హగ్ ఇద్దరు ఇచ్చి పుచ్చుకోవాలని నాగార్జున తెలిపారు. ఆ భార్యాభర్తలిద్దరూ కౌగిలించుకున్న సమయంలో నాగార్జున “నారాయణ నారాయణ” వాళ్ళిద్దరికీ పెళ్లి అయిపోయింది అని కామెంట్లు చేశారు. దీంతో సీపీఐ పార్టీ నాయకుడు నారాయణ నీ ఉద్దేశించి నాగార్జున ఈ వ్యాఖ్యలు చేసినట్లు వార్తలు అయ్యాయి. దీంతో వస్తున్న వార్తలపై నాగార్జున వివరణ ఇవ్వటం జరిగింది.
“నేను ఎవరిని ఉద్దేశించి అనలేదు. సాధారణంగా ఎవరైనా జోక్ వేస్తే.. నారాయణ.. నారాయణ అంటాను అని నాగార్జున తెలియజేశారు. పరోక్షంగా నారాయణ పై తాను ఈ కామెంట్లు చేయలేదని తెలిపారు. ఇదిలా ఉంటే “బిగ్ బాస్” షోనీ వ్యతిరేకిస్తున్న వారిలో మొదటి నుండి నారాయణ ఉంటున్నారు. సమాజాన్ని పాడు చేసే రీతిలో ఇటువంటి కార్యక్రమాలను బ్యాన్ చేయాలని అప్పట్లో వ్యాఖ్యలు చేయడం జరిగింది. బిగ్ బాస్ హౌస్… బ్రోతల్ హౌస్ లాంటిదని.. ఏకంగా నాగార్జున అంటే అసహ్యం అంటూ చేసిన వ్యాఖ్యలు పెను దుమారాన్ని రేపాయి.
ఇటీవల సీజన్ సిక్స్ స్టార్ట్ అయిన సమయంలో.. కాసులకు కక్కుర్తి పడే వాళ్ళు ఉన్నంతవరకు.. ఏం చేయలేమని నారాయణ బిగ్ బాస్ షో ఉద్దేశించి మండి పడటం జరిగింది. దీంతో సీజన్ 6 మొదటి వీకెండ్ శనివారం ఎపిసోడ్లో నాగార్జున నారాయణ నారాయణ అని కౌంటర్ ఇచ్చినట్లు వార్తలు వచ్చాయి. కానీ అవి వేరే వారిని ఉద్దేశించి చేసిన కామెంట్లు కాదని తాజాగా నాగార్జున వివరణ ఇచ్చారు.
