Bigg Boss 6: బిగ్ బాస్ సీజన్ సిక్స్ గేమ్ చివరికి రావడం తెలిసిందే. వచ్చేవారం సీజన్ టైటిల్ ప్రకటించనున్నారు. ఈ క్రమంలో హౌస్ లో లేటెస్ట్ గా జరిగిన పరిణామాలపై.. నేటిజన్స్ మండిపడుతున్నారు. విషయంలోకి వెళ్తే సీజన్ సిక్స్ లేడీ టైగర్ ఇనాయా ఎలిమినేట్ అయినట్లు ముందుగానే వార్తలు బయటకు రావడం జరిగింది. దీంతో ఇది చాలా దారుణమని బిగ్ బాస్ ప్రేక్షకులు మండిపడుతున్నారు. హౌస్ లో మొదటి వారం నుండి అన్ని రకాలుగా కష్టపడి గేమ్ ఆడిన కంటెస్టెంట్.
హౌస్ మొత్తం ఒకవైపు ఉంటే ఒంటరి పోరాటం చేసింది. అనేకసార్లు చాలామంది టార్గెట్ చేసినా గాని… స్ట్రాంగ్ మగవాళ్ళకి కూడా మంచి ఫైట్ ఇచ్చింది. అటువంటి ఇనాయానీ ఎలిమినేట్ చేయటం ఏంటి అని మండిపడుతున్నారు. ఇనాయా కంటే చాలా చెత్తగా దరిద్రంగా గేమ్ ఆడిన వాళ్ళు .. హౌస్ లో ఇంకా కొనసాగుతున్నారు. ఓటింగ్ పరంగా గత కొన్ని వారాల నుండి ఇనాయా టాప్ లో నిలుస్తూ వస్తోంది. నామినేషన్ లో ఉన్న ప్రతిసారి భారీగా ఓట్లు రాబట్టడం జరిగింది. అటువంటి ఇనాయాకి సరిగ్గా ఫైనల్ వారానికి ముందు… ఆమెను బలి చేయడం దారుణమని బీబీ టీంపై మండిపడుతున్నారు.
వాస్తవానికి 14వ వారం నామినేషన్ లో మొదటి నుండి ఆదిరెడ్డి, శ్రీ సత్య, కీర్తి ఈ ముగ్గురు డేంజర్ జోన్ లో ఉన్నారు. అటువంటిది వాళ్ళని కాదని అనూహ్యంగా..ఇనాయానీ తెరపైకి తీసుకొచ్చి ఎలిమినేట్ చేయటం … ఓట్లు వేసిన జనాలను పిచ్చోళ్లను చేయడమే అని తీవ్రస్థాయిలో కామెంట్లు చేస్తున్నారు. ఇది అన్ ఫెయిర్ ఎలిమినేషన్ అంటూ ఆల్ ఓవర్ ఇండియా రేంజ్ లో ట్రెండింగ్ చేస్తున్నారు. ఈ సీజన్ ఫస్ట్ నుండి చాలా చెత్తగా బీబీ టీం వ్యవహరించిందని తీవ్రస్థాయిలో దుమ్మెత్తి పోస్తున్నారు.