Hari Hara Veera Mallu: పవర్ స్టార్ పవన్ కళ్యాణ్ ప్రస్తుతం ఏపీ రాజకీయాల్లో బిజీ బిజీగా గడుపుతున్నారు. జనసేన పార్టీ అధినేతగా పార్టీ నాయకులను ఒక తాటిపైకి తీసుకొస్తూ ఎట్టి పరిస్థితులలో వైసీపీ అధికారంలోకి రాకూడదని తెలియజేస్తున్నారు. ఇదే సమయంలో ప్రభుత్వ వ్యతిరేక ఓటు చీలిపోకుండా తెలుగుదేశం పార్టీతో పవన్ పొత్తు పెట్టుకోవడం జరిగింది. 2024 ఎన్నికలలో ఎట్టి పరిస్థితుల్లో అసెంబ్లీలో అడుగుపెట్టే విధంగా రాజకీయం చేస్తున్నారు. ఎన్నికల నేపథ్యంలో చేస్తున్న సినిమా షూటింగ్స్ ఆపేయడం జరిగింది. పరిస్థితి ఇలా ఉంటే పవన్ కళ్యాణ్ నటిస్తున్న సినిమాలలో “హరిహర వీరమల్లు” ఒకటి. క్రిష్ దర్శకత్వంలో తెరకెక్కుతున్న ఈ చిత్రం షూటింగ్ స్టార్ట్ అయ్యి నాలుగు సంవత్సరాలు అయింది.
పిరియాడికల్ డ్రామా నేపథ్యంలో ఈ సినిమా షూటింగ్ జరుపుకుంది. రాజుల కాలం నాటి తరహా లుక్ లో పవన్ కళ్యాణ్ కనిపిస్తున్నారు. ఈ సినిమాలో హీరోయిన్ గా నిధి అగర్వాల్ నటిస్తోంది. బాలీవుడ్ స్టార్ నటుడు బాబి డియోల్ విలన్ గా నటిస్తున్నారు. ఈ సినిమా షూటింగ్ ప్రారంభంలో వేగవంతంగా జరగగా తర్వాత సడన్ గా సినిమా షూటింగ్ ఆగిపోయినట్లు వార్తలు వచ్చాయి. ఈ సినిమా నుంచి ఎటువంటి అప్డేట్ లేకపోవడంతో పవన్ అభిమానులు ఎప్పటినుండో నిరాశ వ్యక్తం చేస్తున్నారు. దీంతో సినిమా ఆగిపోయిందని అందరూ భావించారు. కానీ లేటెస్ట్ గా “హరిహర వీరమల్లు” సినిమా నుంచి కీలక అప్డేట్ రావటం జరిగింది.
దీనిలో భాగంగా సినిమా యూనిట్ ప్రకటన చేయడం జరిగింది. “మా విప్లవ బందిపోటు హీరో చిత్రం హరిహర వీరమల్లు గురించిన అప్ డేట్ కోసం ఆసక్తి ఎదురుచూస్తున్న పవర్ స్టార్ అభిమానులు, సినీ ప్రేమికులందరికీ.. ప్రస్తుతం ఇరాన్, కెనడా, బెంగళూరు, చెన్నై, హైదరాబాద్ లో మా ప్రతిష్టాత్మక సినిమా హై ఎండ్ విఎఫ్ఎక్స్ వర్క్ జరుగుతుంది. ఈ సినిమాలో ఊహకందని రీతిలో గ్రాఫిక్స్ ఉండనున్నాయి. కాబట్టి మీ అందరి అంచనాలను అందుకునేలా పరితపిస్తున్నాం. అతి త్వరలోనే ఓ స్పెషల్ ప్రోమో వీడియోను విడుదల చేస్తాం.. అని సంచలన ప్రకటన విడుదల చేయడం జరిగింది.