Krishna: బ్రహ్మర్షి విశ్వామిత్ర మూవీ నిర్మాణం ఎన్టీఆర్ గారు కన్న కల. విశ్వామిత్ర తనకు నచ్చిన పాత్ర అని.. ఆయన ఆ కథతో సినిమా చేయాలని చెబుతూ ఉండేవారట. సినిమాలు వదిలి రాజకీయాల్లోకి వచ్చిన తరువాత కూడా ఎన్టీఆర్ ఆ కలను వదిలిపెట్టలేదు. విశ్వామిత్రుడు ప్రథమపుత్రుడు ఆంధ్రుడు కాబట్టి అప్పటికి మన దేశానికి ఆంధ్రప్రదేశ్ అని పేరు వచ్చిందని ఆయన చెబుతూ ఉండేవాడు. రాజకీయాల్లోకి వచ్చి ముఖ్యమంత్రి అయిన కొంతకాలం తర్వాత ఎన్టీఆర్ బ్రహ్మర్షి విశ్వామిత్ర మూవీ షూటింగ్ ప్రారంభించాడు. ఒక రాష్ట్రానికి ముఖ్యమంత్రిగా ఉన్న వ్యక్తి సినిమాల్లో నటించడం ఏంటని విమర్శలు వినిపించిన ఆయన అవేవీ పట్టించుకోకుండా తన పని తాను చేసుకుంటూ పోయాడు. ఇక బ్రహ్మర్షి విశ్వామిత్ర ప్రారంభోత్సవానికి జాతీయస్థాయి రాజకీయ నాయకులు కూడా హాజరయ్యారు. మీనాక్షి శేషాద్రి మేన కాగా ఎంపికయ్యారు. ఇందులో బాలయ్య హరిశ్చంద్రుడిగా, దుశ్చంతుడి గా ఈ మూవీలో రెండు పాత్రలు పోషించాడు. తెలుగు తో పాటు హిందీలో కూడా ఈ చిత్రం నిర్మాణం ప్రారంభించారు ఎన్టీఆర్.
ఇక్కడే ఒక ఆసక్తికరమైన పరిణామం చోటుచేసుకుంది. ఎన్టీఆర్ పాలనను ఆయన ప్రభుత్వ విధానాలను ఎండగడుతూ కాంగ్రెస్ పార్టీ మద్దతుతో కొన్ని చిత్రాలు నిర్మించారు. హీరో కృష్ణ నటించిన సినిమాలు అధిక స్థానం విజయవంతం అయ్యాయి కూడా. ఎన్టీఆర్ బ్రహ్మర్షి విశ్వామిత్ర చిత్రానికి పోటీగా 1989లో కృష్ణ హిందీలో ఒక చిత్రాన్ని తీయాలని నిర్ణయించుకున్నాడు. అప్పటికే ఎన్టీఆర్, కృష్ణ మధ్య వార్ నడుస్తుంది. రాబోయే పార్లమెంట్ ఎన్నికలలో తాను పోటీ చేస్తానని కృష్ణ జిల్లాకు కానీ, గుంటూరు జిల్లాకు లేదా ఎన్టీఆర్ ఎక్కడ పోటీ చేస్తే అక్కడ నుంచే పోటీ చేయడానికి రెడీ అని హీరో కృష్ణ ప్రకటించారు. హిందీ సినిమా కోసం అమితాబ్ ని సంప్రదించారు కృష్ణ. అయితే అప్పటికే ఆయన చాలా సినిమాలు ఒప్పుకునే బిజీగా ఉన్నాడు.
అందుకే ఈ సినిమాలో నటించలేనని కృష్ణ గారికి చెప్పేశాడు అమితాబ్. ఎన్టీఆర్ కి పోటీగా వచ్చే చిత్రంలో అమితాబ హీరోగా నటిస్తేనే దానికి దీటుగా ఉంటుందని.. తన రాజకీయ పలుకుబడిని ఉపయోగించి అమితాబ్ని ఒప్పించాడు కృష్ణ. ఇక ఆ సమయంలో ఎన్టీఆర్ నేషనల్ ఫ్రంట్ చైర్మన్ గా ఉన్నారు. పార్లమెంట్ ఎన్నికలను దృష్టిలో ఉంచుకుని ఎన్టీఆర్ నిర్మిస్తున్న బ్రహ్మర్షి విశ్వమిత్రా హిందీ వర్షన్ ని దెబ్బతీయడానికి కృష్ణ తీసే ఈ సినిమాకి కాంగ్రెస్ పార్టీ అధిష్టానం కూడా మద్దతు పలికింది. సాంఘిక కధానంతో రూపొందించుకుంటున్న ఈ చిత్రాన్ని పద్మాలయ స్టూడియోలో తీయడానికి అన్ని ఏర్పాట్లు చేశారు. బ్రహ్మర్షి విశ్వామిత్ర చిత్రాన్ని 1989 శాసనసభ ఎన్నికల నాటికి విడుదల చేయాలని ఎన్టీఆర్ ప్లాన్ చేశారు. రాజకీయాలతో పాటు బిజీగా ఉండడం వల్ల ఆయన ప్రయత్నాలు ఫలించలేదు. ఆ ఎన్నికల్లో టిడిపి ఓడిపోయింది. దీంతో బ్రహ్మర్షి విశ్వామిత్ర మూవీ విడుదలను వాయిదా వేశారు.
ఇక ఆ సినిమా అప్పట్లో విడుదల కాదని అందరూ అనుకున్నారు. హీరో కృష్ణ కూడా అలాగే అనుకుని తాను తీయాలనుకునే హిందీ సినిమాని డ్రాప్ చేసుకున్నాడు. అందరి ఊహలకు మరియు అంచనాలకు భిన్నంగా వ్యవహరించడం ఎన్టీఆర్ కి బాగా అలవాటు. బ్రహ్మర్షి విశ్వామిత్ర చిత్రాన్ని 1991లో విడుదల చేయాలని ఆయన నిర్ణయించుకుని అన్ని కార్యక్రమాలు పూర్తి చేసి ఆ ఏడాది ఏప్రిల్ 14న విడుదల చేశారు. ప్రారంభం నుంచే ఈ చిత్రం పై భారీ అంచనాలు ఉండడంతో బయ్యర్లు సినిమా కొనడానికి పోటీ పడ్డారు. అంతకు ముందు ఏ సినిమా కొనని హయ్యస్ట్ రికార్డ్ ధరకు బ్రహ్మర్షి విశ్వామిత్రను కొన్నారు బయ్యర్లు. ఇక ఈ చిత్రానికి పోటీగా విడుదల చేయడానికి నిర్మాతలు కాస్త వెనకడుగు వేశారు. ఎన్టీఆర్ రాజకీయ రంగ ప్రవేశం చేసిన తరువాత నటించిన చిత్రం కావడంతో దీనికి అంత క్రేజ్ వచ్చింది. ఇక అందరి అంచనాలను తలకిందులు చేస్తూ ఈ మూవీ అట్టర్ ఫ్లాప్ గా నిలిచింది.