Weight Loss : అధిక బరువు :
బరువు పెరిగిపోయాం అనుకునే చాలా మంది చేసే మొట్టమొదటి పని ఏదైనా ఉంది అంటే అది ఉదయం బ్రేక్ఫాస్ట్ మానేయడం ముఖ్యమైన పాయింట్ గా పెట్టుకుంటారు. అది మానేస్తే అధిక బరువు చాలా తేలికగా తగ్గిపోవచ్చు అని అనుకుంటారు. అసలు ఇందులో ఎంతమాత్రం నిజం లేదని పరిశోధకులు తెలియచేస్తున్నారు.అది కాక ఉదయం బ్రేక్ఫాస్ట్ తీసుకోవడం మానేస్తే అధిక బరువు సమస్య మీరింతగా పెరుగుతుంది.
Weight Loss : మార్నింగ్ అధిక క్యాలరీలు:
పలువురు పరిశోధకులు ఈ విషయంపై పరిశోధనలు చేసి ఆ వివరాలను తెలియచేసారు. జర్మనీకి చెందిన లుబెక్ యూనివర్సిటీ పరిశోధక నిపుణులు 23 సంవత్సరాలు ఉన్న 16 మందిని 2 గ్రూపులుగా వేరు చేసి వారికి 3 రోజుల పాటు భిన్న రకాల ఆహారంఅందచేశారు. ఒక గ్రూపు వారికి క్యాలరీ అధికంగా ఉన్న ఆహారాన్ని ఉదయం బ్రేక్ఫాస్ట్ గా ఇచ్చి.. అదే ఆహారాన్ని రెండో గ్రూపు వారికి రాత్రి డిన్నర్ గా ఇచ్చారు. ఒక వారం గ్యాప్ ఇచ్చి మళ్లీ అదే విధంగా ఆహారం అందించారు. ఇలా ఇచ్చిన తర్వాత వారిని పరీక్షించిన పరిశోధకులుతెలియచేసింది ఏమిటంటే.. మార్నింగ్ అధిక క్యాలరీలు ఉన్న ఆహారాన్ని బ్రేక్ఫాస్ట్ రూపంలో తీసుకున్న వారి మెటబాలిజం బాగా పెరిగి వారిలో క్యాలరీలు త్వరగా ఖర్చు అయ్యాయి అని , రెండో గ్రూపు వారిలో మాత్రం మెటబాలిజం తగ్గిందని గమనించారు.
టైప్ 2 డయాబెటిస్:
కాబట్టి ఆ పరిశోధకులు చెప్పేది ఏమిటంటే.. ఎవరైనా సరే అధిక క్యాలరీలు ఉన్న ఆహారాన్ని మార్నింగ్ బ్రేక్ఫాస్ట్ రూపంలో తీసుకుంటే బరువు తగ్గుతారని, అదే రాత్రి పూట ఆ ఆహారాన్ని తీసుకుంటే మాత్రం బరువు పెరుగుతారని వివరిస్తున్నారు. అలాగే మార్నింగ్ బ్రేక్ఫాస్ట్ మానేయడం మంచిదికాదని, ఎందుకంటే దాంతో రోజు మొత్తంలో అవసరం అయిన ఆహారం కన్నా ఎక్కువ ఆహారం తీసుకోవడం జరుగుతుంది అని..దీని వల్ల బరువు త్వరగా పెరుగుతారని పరిశోధకులుతెలియచేస్తున్నారు. కాబట్టి బరువు తగ్గాలంటే.. ఉదయమే ఎక్కువ ఆహారం తినాలి . రాత్రి పూట మాత్రం వీలైనంత తక్కువగా తినాలి. దీంతో బరువు తగ్గడం తో పాటు టైప్ 2 డయాబెటిస్ రాకుండా రక్షణ కలుగుతుంది.