Guppedantha manasu :బుల్లితెర ప్రేక్షకులను ఎంతగానో అలరిస్తున్న గుప్పెడంత మనసు సీరియల్ రోజుకో సరికొత్త మలుపు తిరుగుతూ విశేషంగా ప్రేక్షకులను అలరిస్తూ 573వ ఎపిసోడ్ లోకి ఎంటర్ అయింది. ఇక ఈరోజు అక్టోబర్ 06 న ప్రసారం కానున్న గుప్పెడంత మనసు సీరియల్లో ఏమి జరిగిందో ముందుగా తెలుసుకుందాం.గత ఎపిసోడ్ లో దేవయాని మహేంద్ర దగ్గరకు వచ్చి వసు, సాక్షిలు కాకుండా వేరే అమ్మాయితో రిషికి పెళ్లి చేద్దాం.. దానికి నువ్వే రిషిని ఒప్పించు అని మహేంద్రను అడుగుతుంది. అలాగే వసు, రిషి ఇద్దరు కలిసి మెషిన్ ఎడ్యుకేషన్ లొకేషన్ విజిట్‌కి వెళ్లి తిరిగి ప్రయాణం అయ్యారు. అదే సీన్ నేటి కథనంలో కంటిన్యూ అయ్యింది.చాలా సేపు ఇద్దరు కలిసి జామకాయ ముక్కలు తింటూ ప్రేమగా సరదాగా మాట్లాడుకుంటారు.
రిషిని బైక్ ఎక్కించుకున్న వసు :
ఇద్దరు కలిసి కారు దగ్గరకు వెళ్తున్నప్పుడు వసు గురుదక్షిణ గురించిన టాపిక్ ఎత్తడంతో బై అని కారు వేసుకుని వెళ్లిపోతాడు. ఇక వసు బైక్ తీసుకుని బయలుదేరుతుంటే రిషి ఎదురుపడతాడు.ఏమైంది సార్ అంటే కార్ టైర్ పంచర్ అయ్యింది లిఫ్ట్ కావాలి ఇస్తావా అంటాడు. వెంటనే వసు కాసేపు ఆటపట్టించి రిషిని బండి ఎక్కించుకుంటుంది. అయితే రిషి బండి మీద ముందు తిరిగి కూర్చోకుండా వెనక్కి తిరిగి కూర్చుంటాడు. అలాగే వసు మధ్య మధ్యలో బ్రేక్స్ వేస్తూ సరదాగా వెళ్తూ ఉంటారు.కొంత మంది అయితే రిషిని చూసి నవ్వడంతో బండి ఆపించి వసును బైక్ వెనకాల కూర్చోమని తను డ్రైవ్ చేస్తూ వసు ఉండే బస్తీకి వస్తాడు.
బలపడుతున్న వసు, రిషిల బంధం :
అక్కడ రిషి వసుకి బై చెప్పి వెళ్తాడు కానీ మళ్ళీ వసు రూమ్ కు వచ్చి వసు పక్కన కూర్చుని వసుధారా నేను చెప్పేది పూర్తిగా విను.. మనిద్దరం కారులో కలిసి ప్రయాణం చేస్తేనే బోలెడన్ని జ్ఞాపకాలు.అదే జీవితాంతం కలిసి ప్రయాణం చేస్తే ఇంకెంత బాగుంటుంది. ప్రేమ అంటే ఎదుటి వారిని భరించడమా? గౌరవించడమా?’ అంటాడు రిషి. ‘సార్ ప్రేమంటే అన్నీ సార్.. మిమ్మల్ని బాధించాలని నేను ఎప్పుడూ అనుకోను సార్ అంటుంది. రిషి చిన్నప్పటి. సంఘటనలు గుర్తు చేసుకుంటూ కాస్త ఎమోషనల్ అవ్వడంతో వసు కూడా ఏడుస్తుంది.
రిషి మాటలకూ వసు ఎందుకు ఏడ్చింది:
‘ఏడుస్తున్నావేంటీ.? అని రిషి అడిగితే ఆనందం సార్.. నాకు తెలియకుండానే కన్నీళ్లు వస్తున్నాయి అంటుంది.మీరెక్కడ నాకు దూరం అవుతారోనని మనసులో భయంగా ఉంది. పరీక్షలు కాగానే అమ్మా నాన్నల దగ్గరకు వెళ్లాలి అనుకున్నాను. కానీ మీకు దూరంగా ఉండలేక పరీక్షల రిజల్ట్ వచ్చాక వెళ్దామని నిర్ణయించుకున్నాను అంటుంది ఏడుస్తూ..మాయ చేసారు సార్ అని వసు అంటే నిజంగా మాయే వసుదార పాఠాల లెక్కలు చెప్పే నాకు జీవిత పాఠాలు చెప్పావు.. చివరి శ్వాస దాకా మనం కలిసి ఉండాలని ప్రయాణించాలని కోరుకున్నాను.. ఇప్పుడు ఈ దూరం శ్వాస ఆగిపోయేలా చేస్తోంది.
వసు, రిషిల ప్రేమకు అడ్డుగా మారనున్న జగతి :
ఎందుకు మన మధ్య ఈ దూరం?’ అంటాడు రిషి.నేను అదే చెబుతున్నాను.. ఈ దూరం జగతీ మేడమ్ అనే అభిప్రాయభేదం మాత్రమే ఉంది.. జగతీ మేడమ్‌ని మీరు అమ్మ అని పిలిచేస్తే..’ అంటూ వసు మాట పూర్తి కాకుండానే.. ‘ఆపు వసుధారా.. జీవితంలో నేనేం కోల్పోయానో నీకేం తెలుసు?’ అంటాడు ఆవేశంగా పైకి లేచి. ‘కోల్పోయిన తల్లి ప్రేమని ఇప్పుడైనా పొందొచ్చు కదా? జగతీ మేడమ్‌తో బంధం తెంచుకుంటారా?’ అంటుంది వసు. ‘ఏది పెంచుకోవాలో ఏది తెంచుకోవాలో నాకు బాగా తెలుసు.. నువ్వేం చెప్పాల్సిన పని లేదు’ అంటాడు రిషి.సార్ జగతీ మేడమ్ ఆ రోజు ఎందుకు వెళ్లాల్సి వచ్చిందో ఎప్పుడైనా తెలుసుకున్నారా?’ అంటుంది వసు. ‘తను ఎందుకు వెళ్లిందో.. నన్ను ఎందుకు వదిలిందో?వదిలేసి వెళ్తే నేనెంత బాధపడ్డానో నీకు తెలుసా? తెలుసుకోవడానికి ఏం లేదు వసుధారా అనేసి రిషి ఆవేశంగా అక్కడ నుంచి వెళ్లిపోతాడు.