రాజమౌళి భారతీయ చలనచిత్ర రంగంలో దర్శకధీరుడు రాజమౌళి క్రేజీ ఇప్పుడు మామూలుగా లేదు. “బాహుబలి 2” సృష్టించిన చరిత్రకి జక్కన్న పేరు దేశంలోనే కాదు ప్రపంచవ్యాప్తంగా డబల్ త్రిబుల్ గా వినబడుతోంది. రాజమౌళితో సినిమా చేయటానికి దేశంలోనే కాదు హాలీవుడ్ ఇండస్ట్రీకి చెందిన వాళ్లు కూడా ఎక్కువ ఇంట్రెస్ట్ చూపిస్తున్నారు. ఇక బాలీవుడ్ హీరోలు సైతం జక్కన్న ఒప్పుకుంటే సినిమా చేయడానికి రెడీగా ఉన్నట్లు చాలామంది ఓపెన్ గానే చెప్పడం జరిగింది. ఇప్పుడు ఇదే కోవలోకి బాలీవుడ్ టాప్ మోస్ట్ స్టార్ హీరో అమీర్ ఖాన్ చేరారు. ఇటీవల “కాఫీ విత్ కరణ్” షోలో కరీనాకపూర్ తో అమీర్ ఖాన్ పాల్గొనడం జరిగింది.
అమీర్ కొత్త సినిమా “లాల్ సింగ్ చాడ్డా” ఈనెల 11 వ తారీకు విడుదల కానున్న సంగతి తెలిసిందే. ఈ సినిమాకి సంబంధించి ప్రమోషన్ కార్యక్రమాలలో భాగంగా.. ఈ షోలో పాల్గొన్న అమీర్ ఖాన్ తన వ్యక్తిగత మరియు సినిమాకి సంబంధించి అనేక విషయాలు తెలియజేశారు. ఈ సందర్భంలో భవిష్యత్తులో ఏ దర్శకుడితో పనిచేయాలని ఉందని కరణ్ జోహార్… అమీర్ నీ ప్రశ్నించారు. దానికి అమీర్ సమాధానమిస్తూ.. మొట్టమొదటి పేరు రాజమౌళి పేరు చెప్పడం జరిగింది. ఆ తర్వాత మిగతా దర్శకుల పేర్లు తెలియజేశారు.
గతంలోనూ రాజమౌళితో కలిసి చేయాలని ఉందని అమీర్ చెప్పడం జరిగింది. అయితే ఇప్పుడు కూడా మరోసారి చెప్పటంతో బాలీవుడ్ ఇండస్ట్రీలో ఈ వార్త సంచలనంగా మారింది. రాజమౌళి కూడా చాలా సందర్భాలలో అమీర్ ఖాన్ తో కలవడం జరిగింది. అంతేకాదు ఇటీవల అమీర్ ఖాన్ కొత్త సినిమా “లాల్ సింగ్ చాడ్డా” ప్రమోషన్ కార్యక్రమాలలో కూడా రాజమౌళి పాల్గొని తెలుగులో భారీగా ప్రచారం చేశారు. ఇద్దరు మధ్య మంచి బాండింగ్ ఉంది. దీంతో కచ్చితంగా రాజమౌళి రాబోయే రోజుల్లో అమీర్ ఖాన్ తో చేసే అవకాశాలు ఉన్నాయని ఇండస్ట్రీ వర్గాలు అంటున్నాయి.