టాలీవుడ్ ఇండస్ట్రీలో దర్శకులలో త్రివిక్రమ్ కి తిరుగులేని మార్కెట్ ఓవర్సీస్ లో ఉంది. త్రివిక్రమ్ సినిమా వస్తోంది అంటే చాలు ఓవర్సీస్ తెలుగు ప్రేక్షకులు థియేటర్ లకు క్యూ కడతారు. త్రివిక్రమ్ తేరకెక్కించిన సినిమాలన్నిటిలో దాదాపు 6 సినిమాలు ఓవర్సీస్ లో వన్ మిలియన్ డాలర్లు కలెక్షన్ లు సాధించటం జరిగిందట. ఇక టాలీవుడ్ ఇండస్ట్రీలో సినిమా హీరోలలో ఓవర్సీస్ లో అత్యధిక మార్కెట్ ఉన్న హీరో మహేష్. ఆయన సినిమా విడుదలవుతుందంటే చాలు ఓవర్సీస్ లో జనాలు ఎగబడతారు.
మహేష్ నటించిన సినిమాలలో దాదాపు 11 సినిమాలు వన్ మిలియన్ డాలర్ లు కలెక్ట్ చేయడం జరిగిందంట. ఇండస్ట్రీలో ఏ హీరోకి ఇటువంటి ట్రాక్ రికార్డ్ లేదంట. ఈ క్రమంలో త్రివిక్రమ్ మహేష్ కాంబినేషన్లో గతంలో వచ్చిన అతడు ఇంకా కలేజా రెండు కూడా ఓవర్సీస్ లో అద్భుతమైన కలెక్షన్స్ సాధించటం జరిగింది. అయితే ప్రస్తుతం వీరిద్దరి కాంబినేషన్ లో “SSMB28” వస్తున్న సంగతి తెలిసిందే. ఆగస్టు నెల నుండి ఈ సినిమాకి సంబంధించి రెగ్యులర్ షూటింగ్ స్టార్ట్ కానుంది.
అయితే ఇంకా షూటింగ్ స్టార్ట్ అవ్వకముందే ఈ సినిమాకి సంబంధించి ఓవర్సీస్ హక్కుల కోసం డిస్ట్రిబ్యూటర్ లు ఎగబడుతున్నారట. హారిక హాసిని క్రియేషన్స్ ఈ సినిమాని నిర్మిస్తోంది. ఇటీవల తెలుగు సినిమాలకు ప్రపంచవ్యాప్తంగా మార్కెట్ పెరగటంతో.. ఆల్రెడీ మహేష్ త్రివిక్రమ్ కి అక్కడ మార్కెట్ ఉండటంతో… భారీ ఎత్తున అమ్మే ఆలోచనలో నిర్మాతలు ఉన్నట్లు వార్తలు వస్తున్నాయి. ఇదిలా ఉంటే ఈ సినిమాలో డబల్ రోల్ లో మహేష్ బాబు ని..త్రివిక్రమ్ చూపించనున్నట్లు వార్తలు వస్తున్నాయి.