Balakrishna Vijay Deverakonda: రౌడీ హీరో విజయ్ దేవరకొండ ఈ ఏడాది సెప్టెంబర్ నెలలో “ఖుషి” సినిమాతో అద్భుతమైన విజయాన్ని అందుకున్నారు. సమంత హీరోయిన్ గా నటించిన ఈ సినిమా ప్రేమ కథ నేపథ్యంలో తెరకెక్కి.. అన్ని వర్గాల ప్రేక్షకులను అలరించడం జరిగింది. వరుస పరాజయాలతో ఉన్న విజయ్ దేవరకొండకి “ఖుషి” మంచి బ్రేక్ ఇచ్చినట్లయింది. కాగా ప్రస్తుతం పరశురాం దర్శకత్వంలో విజయ్ దేవరకొండ “ఫ్యామిలీ స్టార్” అనే సినిమా చేస్తున్నారు. ఆల్రెడీ గతంలో వీరిద్దరి కాంబినేషన్ లో వచ్చిన “గీతా గోవిందం” బ్లాక్ బస్టర్ విజయం సాధించింది. దీంతో “ఫ్యామిలీ స్టార్” పై భారీ అంచనాలు ఏర్పడ్డాయి.
ఈ సినిమాలో “సీతారామం” ఫేమ్ మృణాల్ ఠాకూర్ హీరోయిన్ గా నటిస్తోంది. ఈ సినిమా షూటింగ్ సరవేగంగా జరుగుతుంది. అయితే ప్రారంభంలో సంక్రాంతి పండుగకు సినిమా విడుదల చేస్తామని సినిమా యూనిట్ ప్రకటించింది. కానీ లేటెస్ట్ గా ఈ సినిమా నిర్మాత దిల్ రాజు సంక్రాంతికి రావడం లేదని స్పష్టం చేశారు. అంతేకాదు సమ్మర్ కానుకగా మార్చిలో విడుదల చేయాలని భావిస్తున్నట్లు తెలిపారు. సంక్రాంతి రేసు నుంచి “ఫ్యామిలీ స్టార్” వైదొలిగిందని అన్నారు. ఇదిలా ఉంటే సమ్మర్ లో డైరెక్టర్ బాబీ దర్శకత్వంలో బాలయ్య చేస్తున్న సినిమా విడుదల కాబోతుందట. ఆ సినిమాతో విజయ్ దేవరకొండ “ఫ్యామిలీ స్టార్” పోటీ పడబోతున్నట్లు టాలీవుడ్ ఇండస్ట్రీలో లేటెస్ట్ న్యూస్ వైరల్ అవుతుంది.
ఆల్రెడీ ఈ ఏడాది బాలయ్య బాబు.. సంక్రాంతి పండుగకు “వీరసింహారెడ్డి” దసరా పండుగకు “భగవంత్ కేసరి”… సినిమాలతో బ్యాక్ టు బ్యాక్ విజయాలు అందుకోవటం జరిగింది. ప్రస్తుతం బాబీ సినిమా షూటింగ్ ఊటీలో జరుగుతుంది. యాక్షన్ ప్రధానంగా తెరకెక్కుతుంది. అతి తక్కువ టైంలోనే ఈ సినిమా షూటింగ్ కంప్లీట్ చేసి వేసవికి విడుదల చేయాలని బాలయ్య రెడీ అయ్యారు. సరిగ్గా అదే సమయానికి విజయ్ దేవరకొండ ఫ్యామిలీ స్టార్ కూడా విడుదల కాబోతుందట. దీంతో ఈ సమ్మర్ లో టాలీవుడ్ బాక్సాఫీస్ వద్ద విజయ్ దేవరకొండ బాలయ్య సినిమాలు పోటీపడుతున్నట్లు వార్తలు వస్తున్నాయి. ఇంకా ఏప్రిల్ నెలలో కొరటాల శివ దర్శకత్వంలో ఎన్టీఆర్ కెరియర్ లో 30వ సినిమా “దేవర” విడుదల కానుంది. ఈ రకంగా వేసవిలో భారీ సినిమాలు విడుదల కాబోతున్నాయి.