Samantha- Naga Chaitanya : అంగరంగ వైభవంగా జరిగిన పెళ్లిళ్లు కూడా పెటాకులు అవుతాయని తాజాగా నాగచైతన్య, సమంతల విషయంలో నిరూపితమైంది. గాఢంగా ప్రేమించుకుని పెద్దలను ఒప్పించి మరీ పెళ్లి చేసుకున్న వీరిద్దరూ విడిపోయారనే నిజాన్ని ఇప్పటికీ ఎవరూ నమ్మలేకపోతున్నారు. ఈ దంపతులు తాజాగా విడాకుల ప్రకటన చేసి.. తమ ప్రైవసీకి గౌరవం ఇవ్వాలంటూ స్పష్టం చేస్తూ సైలెంట్ అయిపోయారు. అయితే అక్కినేని అనే ఒక పెద్ద కుటుంబంలో నాగార్జున వారసుడు విడాకులు తీసుకోవడం పెద్ద విషయమే. అందులోనూ ఒక అగ్రతార, అందరికీ ఎంతో సుపరిచితురాలైన సమంత పెళ్లి నాలుగేళ్లలోనే ముగిసిపోవడం కాస్త చర్చనీయాంశంగా మారింది.
Samantha: నిన్న విడాకులు అంది.. ఇవాళ సినిమాకి సంతకం పెట్టింది…!
Samantha- Naga Chaitanya : విడాకుల చుట్టూ సంచలన నిజాలు
నాగచైతన్య, సమంత పరస్పర అంగీకారంతో విడాకులు కోసం అడిగారని.. వారికి కౌన్సిలింగ్ కూడా జరిగిందనే వార్తలు ఎప్పుడైతే గుప్పుమన్నాయో ఆ క్షణం నుంచి సంచలనం విషయాలు బయటికి వస్తూ ఉన్నాయి. విడాకుల అనంతరం అక్కినేని కుటుంబం సమంతకు భరణంగా 200 కోట్ల రూపాయలు ఇవ్వనున్నట్టు కూడా ఇటీవల ఆంగ్ల పత్రికల్లో ప్రత్యేక వార్తా కథనాలు ప్రచురితమయ్యాయి. కానీ తాజా సమాచారం ప్రకారం, సమంత చిల్లిగవ్వ కూడా అక్కినేని కుటుంబం నుంచి తీసుకోవడానికి సుముఖంగా లేరని తెలిసింది. కృషి, పట్టుదల, నటనా ప్రతిభతో తనకంటూ గుర్తింపు తెచ్చుకోవడంతో పాటు ఆస్తి సంపాదించుకున్నారు సమంత. ఒక సెల్ఫీ మెడ్ ఉమన్ గా ఆమె తన మాజీ భర్త నుంచి ఎలాంటి డబ్బు ఆశించడం లేదని కుండబద్దలు కొట్టినట్లు సమాచారం.
Brain Stroke: కొన్ని రోజుల నుంచి ఈ లక్షణాలు కనిపిస్తూన్నాయా..!! అయితే ఈ ప్రమాదాన్ని గుర్తించండి..!!
నాగచైతన్య కఠినమైన నిర్ణయం
ఇదిలా ఉండగా మరొక విస్తుపోయే అంశం వెలుగులోకి వచ్చింది. నాగచైతన్య సమంతను ప్రాణంగా ప్రేమించారు. తన లైఫ్ పార్ట్నర్ గా కాకుండా సమంత ని ప్రాణనేస్తంగా ట్రీట్ చేశారు. కానీ కెరీర్ లైఫ్ ప్రభావం పర్సనల్ లైఫ్ పై పడడంతో వారిద్దరూ చివరికి అనూహ్యంగా విడిపోయారు. అయితే విడిపోతున్నట్లు నిన్న ప్రకటించినప్పటికీ.. తాజా నివేదిక ప్రకారం, నాగ చైతన్య సమంతకి కొంతకాలం నుంచి అంటిముట్టనట్టుగా ఉంటున్నారని తెలుస్తోంది. ముఖ్యంగా ఒక నెల రోజుల నుంచి ప్రాణంగా ప్రేమించిన సమంతకి చైతూ దూరంగా ఉంటున్నారట. ఇన్ని రోజులు కలిసి ఉన్న తన భార్యను ఒక అపరిచిత వ్యక్తిగా భావించారట. అంతే కాదు, విడాకులు తీసుకోవాలనే తేదీ నిర్ణయం తీసుకున్న తర్వాత నాగచైతన్య సమంతకు పూర్తిగా దూరమయ్యారట. గడిచిన నెల రోజుల కాలంలో ఆయన హైదరాబాద్ లోని ఒక విలాసవంతమైన హోటల్లో ఒంటరిగా ఉన్నారట. ఇంత కఠినమైన నిర్ణయం తీసుకోవడం వెనుక చైతు ఎంత మానసిక వేదనను అనుభవించి ఉంటారో అని అభిమానులు నెట్టింట కామెంట్లు పెడుతున్నారు. సమంత తోడు లేకపోయినా శేష జీవితంలో ముందుకు కొనసాగాలనే మానసిక బలం అలవర్చుకోవడానికి చైతూ ఇలాంటి నిర్ణయం తీసుకుని ఉండొచ్చని మరికొందరు కామెంట్లు చేస్తున్నారు.