హైదరాబాద్: సంచలన దర్శకుడు రామ్ గోపాల్ వర్మ జనసేన అధినేత, సినీ నటుడు పవన్ కళ్యాణ్‌కు బహిరంగ క్షమాపణలు చెప్పాడు. వర్మ నిర్మిస్తున్న ‘బ్యూటీఫుల్’ సినిమా జనవరి 1న విడుదలైంది. ఈ సందర్భంగా నిర్వహించన ఓ కార్యక్రమంలో పాల్గొన్న వర్మ… పవన్ పై ఆసక్తికర వ్యాఖ్యలు చేశారు. గతంలో పవన్ పై చేసిన వ్యాఖ్యలకు క్షమాపణలు చెప్పారు. ‘పవన్ గారికి తిక్కుంది.. నాకు లెక్కుంది.. కానీ లెక్కకన్నా.. తిక్కే అందరికీ నచ్చుతుంది. అందుకే ఆయన సూపర్ స్టార్ అయ్యాడు. ఐ లవ్ పవన్ కల్యాణ్ గారు. ప్రమాణం చేసి చెబుతున్నా.. నాకు శ్రీదేవి కంటే పవన్ అంటేనే ఇష్టం. నేను దేవుడ్ని నమ్మను. మీరు నా మాటలు నమ్మకపోతే నేనేం చేయలేను’ అని వర్మ అన్నాడు.
https://youtu.be/uZiAuw3A4Ug
గతేడాది ‘లక్ష్మీస్ ఎన్టీఆర్’ ‘అమ్మ రాజ్యంలో కడప బిడ్డలు’ సినిమాలతో సినీ, రాజకీయవర్గాల్లో సంచలనం సృష్టించిన రామ్ గోపాల్ వర్మ.. తాజాగా తన నిర్మాణంలో శిష్యుడు అగస్త్య మంజు దర్శకత్వంలో ‘బ్యూటీఫుల్’ సినిమాను తెరకెక్కించాడు. ఒక మహిళ తన కన్నా సక్సెస్‌ఫుల్ అయితే మగాడు భరించగలడా? అనే కథాంశంతో ‘బ్యూటీఫుల్’ సినిమాను తెరకెక్కించారు. ఇప్పటికే ఈ సినిమాకు సంబంధించిన ప్రమోషన్ కార్యక్రమాలను వర్మ జోరుగా చేస్తున్నారు. ఇటీవల ఈ సినిమాకు సంబంధించిన ప్రీ రిలీజ్ ఈవెంట్‌లో ‘బ్యూటీఫుల్’ హీరోయిన్ నైనా గంగూలితో కలిసి డాన్స్ చేశారు. అంతేకాదు ఈ సినిమాకు హైప్ తీసుకురావడానికి హీరోయిన్ నైనా గంగూలి కాళ్లు పట్టుకున్న సంగతి తెలిసిందే.