Bigg Boss 6: బిగ్ బాస్ సీజన్ సిక్స్ మొదటి వారం హౌస్ నుండి ఎవరిని ఎలిమినేట్ చేయకపోవడంపై ఆడియన్స్ నుండి విమర్శలు వస్తున్నాయి. ముందే ఇంటి నుండి సభ్యులను పంపించే ఉద్దేశం లేనప్పుడు.. ఓటింగ్ లైన్స్ ఎందుకు ఓపెన్ చేశారు..? ఎందుకు ఓట్లు వేయించుకున్నారు..? అని మండిపడుతున్నారు. అనవసరంగా ఆడియన్స్ ని ఒత్తిడికి గురిచేసి టైం వేస్ట్ చేశారని ఆదివారం హౌస్ నుండి ఎవరిని ఎలిమినేట్ చేయకపోవడంపై షో నిర్వాహకులపై విమర్శలు చేస్తూ ఉన్నారు.
అదేదో ఇంటి సభ్యులనే సస్పెన్స్ లో ఉంచి బయట ఓటింగ్ లైన్స్ ఓపెన్ చేయకుండా.. హిందీ బిగ్ బాస్ రియాల్టీ షో మాదిరిగా ప్లాన్ చేయొచ్చు కదా అంటూ.. తెలుగు బిగ్ బాస్ ఆడియన్స్ విమర్శలు చేస్తున్నారు. ఇంటిలో ఉన్న సభ్యులతో పాటు చూసే ఆడియన్స్ నీ ఫూల్స్ చేశారని అన్నారు. ఇదిలా ఉంటే తెలుగు బిగ్ బాస్ అన్ని సీజన్ లలో కంటే ఆరో సీజన్ లో ఫస్ట్ వారం ఎలిమినేషన్ లేకపోవడం జరిగింది. అప్పుడే హౌస్ లో అడుగు పెట్టడం ఇంకా పరిచయాలు పెద్దగా లేకపోవడంతో పాటు అర్థం చేసుకోవడానికి టైం పట్టే అవకాశం ఉండటంతో మొదటివారం బిగ్ బాస్ వదిలేసినట్లు.. నాగార్జున ప్రకటించారు.
బిగ్ బాస్ సీజన్ 6 మొదటివారం ఇంటి నుండి బయటకు వెళ్లడానికి ఏడుగురు నామినేట్ అయ్యారు. ఇద్దరు శనివారం ఎపిసోడ్ లో సేఫ్ జోన్ లో ఉన్నట్లు ప్రకటించారు. ఇక ఆదివారం ఎపిసోడ్ వచ్చేసరికి.. ఒక్కొక్కరిని సేఫ్ గా ప్రకటిస్తూ ఆఖరి ఇద్దరినీ.. గార్డెన్ ఏరియాలో నిలబెట్టి ఇద్దరిని సేవ్ అని ప్రకటించడం జరిగింది. మొదటి వారమే ఇంటి సభ్యులను సేవ్ చెయ్యాలనే ఉద్దేశమే ఉంటే ఇంత హడావిడి అవసరమా అని విమర్శలు చేస్తున్నరు.