Bigg Boss 6: బిగ్ బాస్ సీజన్ సిక్స్ ఆరో వారం నామినేషన్ లో 9 మంది ఉండగా చివరకి సుదీప ఎలిమినేట్ అయిపోయింది. “నువ్వు నాకు నచ్చావ్”లో హీరోయిన్ ఆర్తి అగర్వాల్ చెల్లెలుగా పింకీ పాత్ర చేసి మంచి గుర్తింపు తెచ్చుకుని ఆ తర్వాత కొన్ని సినిమాలలో నటించి సీరియల్స్ లో కూడా అవకాశాలు అందుకుంటూ కెరియర్ కొనసాగిస్తుంది. ఈ క్రమంలో సీజన్ సిక్స్ బిగ్ బాస్ హౌస్ లో ఎంట్రీ ఇచ్చిన సుదీప ఆరు వారాలపాటు దిగ్విజయంగా గేమ్ ఆడి ఆరో వారంలో ఎలిమినేట్ అయ్యింది.
హౌస్ లో ఇంటి సభ్యులందరికీ వంటలు వండుతూ కొంతమందికి ధైర్యం చెబుతూ… బ్యాలెన్స్ గేమ్ ఆడుతూ వచ్చింది. బిగ్ బాస్ ఇచ్చే టాస్కులు తన శక్తి మేర ఆడి పరవాలేదు అనిపించింది. ఎక్కడ కూడా నెగిటివ్ తెచ్చుకోకుండా సుదీప అద్భుతమైన గేమ్ ఆడి ఆరో వారంలో నామినేషన్ లో ఉన్నవారందరిలో తక్కువ ఓట్లు రావడంతో ఎలిమినేట్ కావాల్సి వచ్చింది. సుదీప ఎలిమినేషన్ కావడంతో బాలాదిత్య, మెరీనా కంటతడి పెట్టుకున్నారు. ఆరో వారం ఓటింగ్ పరంగా గురువారం వరకు రాజ్ లేదా మెరీనా ఇద్దరిలో ఒకరు ఎలిమినేట్ అయ్యే అవకాశాలు ఉన్నట్లు ప్రచారం జరిగింది. ఓటింగ్ పోల్ పరంగా కూడా ఇద్దరు చివరిలో ఉన్నారు.
కానీ అనూహ్యంగా సుదీప ఎలిమినేట్ కావటం అందరికీ షాక్ ఇచ్చినట్లు అయింది. దీంతో సీజన్ సిక్స్ బిగ్ బాస్ హౌస్ హౌస్ లో మొత్తం 21 మంది సభ్యులు ఎంట్రీ ఇవ్వగా సుదీప ఎలిమినేషన్ తో కలిపి మొత్తం ఆరుగురు ఎలిమినేట్ అయ్యారు. ప్రస్తుతం హౌస్ లో 15 మంది ఉన్నారు. మరి ఏడో వారం సోమవారం జరగబోయే నామినేషన్ ప్రక్రియలో ఎంతమంది నామినేషన్ లో ఉంటారో చూడాలి.