మిల్కీ బ్యూటీ తమన్నా `బ‌బ్లీ బౌన్సర్` మూవీతో త్వ‌ర‌లోనే ప్రేక్ష‌కుల‌ను ప‌ల‌క‌రించ‌బోతున్న సంగ‌తి తెలిసిందే. జాతీయ అవార్డు గ్రహీత మధుర్ భండార్కర్ ద‌ర్శ‌క‌త్వంలో రూపుదిద్దుకున్న ఈ చిత్రాన్ని స్టార్ స్టూడియోస్ మరియు జంగ్లీ పిక్చర్స్ బ్యాన‌ర్ల‌పై నిర్మించారు. ఇందులో తమన్నా లేడీ బౌన్స‌ర్‌గా అల‌రించ‌బోతోంది.
కేవ‌లం నాలుగు నెల‌ల్లో షూటింగ్‌ను కంప్లీట్ చేసుకున్న ఈ చిత్రం డైరెక్ట్ ఓటీటీలో విడుద‌ల కాబోతోంది. సెప్టెంబ‌ర్ 23న ప్ర‌ముఖ ఓటీటీ సంస్థ డిస్పీ ప్ల‌స్ హాట్‌స్టార్ లో ఈ చిత్రాన్ని రిలీజ్ చేయ‌బోతున్నారు. ఈ నేప‌థ్యంలోనే మేక‌ర్స్ జోరుగా ప్ర‌చార కార్య‌క్ర‌మాల‌ను నిర్వ‌హిస్తూ.. సినిమాపై మంచి హైప్ క్రియేట్ చేస్తున్నారు.
ఈ క్ర‌మంలోనే శనివారం హైదరాబాద్‌లో తమన్నా మీడియాతో ముచ్చ‌టించింది. ఆమె మ‌ట్లాడుతూ.. `లేడీ బౌన్సర్ కాన్సెప్ట్‌తో వస్తున్న ఈ కథ నాకు దొరకడం అదృష్టంగా భావిస్తున్నా. ఇందులో హరియాణాకు చెందిన యువతిగా కనిపిస్తాను. ఈ తరహా కథ చేయడం ఇదే మొదటిసారి. నా కెరీర్‌కు గుర్తుండిపోయే సినిమా అవుతుంది.
జాతీయ పురస్కార గ్రహీత మధుర్ భండార్కర్‌తో పని చేయడం గ్రేట్‌గా ఫీలవుతున్నా. మధుర్ భండార్కర్ సినిమాల్లో హీరోయిన్‌లకు నేషనల్ అవార్డులు వస్తాయని అందరూ అంటారు. ఈ చిత్రంతో నాకు కూడా రావాలి అని కోరుకుంటున్నా` అంటూ చెప్పుకొచ్చింది. అయితే సినిమా విడుద‌ల కాక‌ముందే తమన్నా నేషనల్ అవార్డుపై ఆశ ప‌డ‌టం కాస్త ఓవ‌ర్‌గా ఉందంటూ నెటిజ‌న్లు ఆమెను ట్రోల్ చేస్తున్నారు.