తమలపాకు యాంటాక్సిడెంట్‌గా పని చేయడం వలన వృద్ధాప్యపు చాయలు కనిపించవు. తమలపాకుల్లో ఉండే నూనె ఫంగస్‌కు వ్యతిరేకంగా పనిచేస్తుంది.
అధిక బరువు సమస్యతో బాధపడేవారు రెండు నెలలపాటు రోజూ ఒక తమలపాకు తో , పది గ్రాముల మిరియాలు కలిపి తినాలి. ఆ వెంటనే చల్లటి నీళ్లు తాగితే ఫలితం ఉంటుంది.
తమలపాకులను ముద్దగా నూరి తలకు పట్టించి న గంట తర్వాత గోరువెచ్చని నీటితో స్నానం చేస్తే చుండ్రు సమస్య ఉండదు.
పిల్లలు కావాలనుకొనే స్త్రీ లు తమలపాకు తొడిమను అసలుతినకూడదు. వీలైనంతవరకు తమలపాకులు, కిళ్లీలకు దూరంగా ఉండటమే ఉత్తమం .
పురుషుల్లో వీర్య కణాల వృద్ధికి తమలపాకు ఉపయోగపడుతుంది. అయితే, పురుషులు కూడా తొడిమ తీసిన తమలపాకును కషాయంగా లేదా పచ్చిగా తినాలి. తమలపాకు హార్మోన్ల అసమతుల్యనాన్ని సరి చేస్తుంది. ఐదు లేదా పది తమలపాకులను తీసుకుని వాటి తొడిమలను తొలగించండి. వాటిని రాగి లేదా స్టీల్ పాత్రలో ఉంచి ఒక గ్లాసు నీళ్లు పోయండి. తర్వాత ఐదు నిమిషాలు వేడి చేస్తే కషాయం సిద్ధమవుతుంది. గొరువెచ్చగా ఉన్నప్పుడే ఆ నీటిని తాగేయండి.
దీనివల్ల వీర్య కణాలు వృద్ధి చెందుతాయి. సెక్స్ సామర్థ్యం కూడా పెరుగుతుంది.అలాగే అధిక రక్తపోటు గల వ్యక్తులు కూడా తాంబూలానికి దూరంగా ఉండడం మంచిది . తమలపాకు తిన్న తర్వాత పొగ తాగినా లేదా పొగాకును కలిపి తిన్నా సబ్‌మ్యూకస్ ఫైబ్రోసిస్ లాంటి ప్రమాదకర నోటి వ్యాధులు వస్తాయి. ఇది నోటి క్యాన్సర్‌కు సంకేతం. తమలపాకులను మితంగా తీసుకుంటే ఔషదం, అతిగా తీసుకుంటే విషం అని ఆహార నిపుణులు చెబుతున్న మాట.
తమలపాకు, సున్నం, వక్క కలిస్తే.. జీర్ణక్రియ మెరుగవుతుంది. సున్నం ఎముకలు గుల్లబారటంను అడ్డుకుంటుంది. తమలపాకు రసం సున్నంలోని క్యాల్షియంను శరీరంలోని అంతర్గత అవయవాల్లోకి చేరుస్తుంది. వక్క లాలాజలాన్ని విడుదలయ్యేలా చేసి జీర్ణక్రియకు తోడ్పడుతుంది. కానీ, ఏదైనా మితంగా తీసుకుంటేనే ఆరోగ్యానికి మంచిదని మర్చిపోకండి.