పేపర్ చూస్తే భయం వేస్తోంది అన్నాను కదూ
భయంతో పాటు బాధ ఏడుపు వస్తున్నాయి
యువత దేశ భవిత అన్న నినాదం వినిపిస్తోంది
అసలు యువతకి భవిత ఏదీ
యువత మత్తులో తూలుతోంది
మరింక దేశానికి మత్తు కాక ఏవుంటుంది
మొన్న నలుగురు ఇంజనీరింగ్ స్టూడెంట్లు మందు పార్టీ చేసుకున్నారు
వింత అదికాదు
వాళ్ళు ఏ ట్యాంకుబండు దగ్గరో కాదు
వెరైటీగా ఉంటుందని రైలుపట్టాల మీద చేసుకున్నారు
పాపం వాళ్ళకి రైలు కూత గాని చప్పుడుగాని వినిపించలేదు
అంత మత్తులో ఉన్నారు
రైలు వాళ్ళ మీదకు వెళ్లిపోయింది
నలుగురూ ముక్కలైపోయేరు
నలుగురి తల్లుల పేగు తెగిపోయింది
ప్రతి నిమషం టీవిలో మద్యపానం హానికరం అని వేస్తారు
తాగేవాడికి తెలీదా తెలిసే చేస్తున్నారు
దీన్ని ఎవ్వరూ ఆపలేరు ఆపరు
కారణం దానిమీద ఆదాయం బంగారు బాతు
అన్నట్టు ఒకాయన తాగడానికి డబ్బులేక పదమూడేళ్ల కూతుర్ని అమ్మేసేడు
ఎంతకీ.. మూడు లక్షలకి
గురజాడగారూ వింటున్నారా
మేము పాత సంప్రదాయాల్ని పాటిస్తున్నాం సార్
ఎప్పుడో వందయేళ్ళకిందట కన్యాశుల్కం ఉందన్నారు
ఇప్పుడూ ఉంది సార్
కాకపోతే దానికి వరకట్నం తోడయింది
జంటకవుల్లాగా రెండూ ఉన్నాయి
మేము ఏవీ మారలేదు
ఇంతకీ తాగడానికి డబ్బు కోసం పిల్లని పెళ్ళాన్ని అమ్మడం కొత్తకాదు
ఎన్నో ఏళ్ళ కిందట
Thomas hardy రాసిన mayor of casterbridge నవలలో మొదటి పేజీలోనే ఒకడు తప్ప తాగి సంతలో పెళ్ళాన్ని కూతుర్ని అమ్మేస్తాడు
అంటే తాగడానికి డబ్బుకోసం ఏదేశంలోనైనా ఎవరినైనా అమ్మడం రివాజు
కొన్నాళ్ళకి తల్లిని కూడా అమ్మేసే రోజులు వస్తే ఆశ్యర్యం లేదు
అన్నట్టు మరిచిపోయెను
మన పురాణాల్లో కూడా మద్యం అలవాటు ఉంది
శుక్రుడు మద్యంలోనే కాదూ కచుడి భస్మం తాగేడు
గ్రీకు పురాణాల్లో కూడా ముందు మద్యం ఇచ్చి మర్యాద చేసేవారట
తాగేవాళ్ళకి ఓ చిన్న సలహా
మీరు ఎలాగూ మానరు
మానాలి అన్న కోరిక ఉంటె తప్పకుండా మారతారు
మనోబలం గొప్పది అది మీకు లేదు
You have every right to ruin yourself but
మిమ్మల్ని నమ్ముకున్నవాళ్ళని మీమీద ఆధారపడినవాళ్ళని నాశనం చేసే హక్కు మీకు లేదు
మాడబ్బు మా ఇష్టం అంటే చేసేది లేదు
మానాన్న ఒక మాట అనేవారు
ఒరే దేవుడు నిన్ను క్షమిస్తాడా లేదో తెలీదు కానీ నీ శరీరం నిన్ను క్షమించదు అని
యెంత నిజం
ఇలా రైలుపట్టాలమీద బస్సుస్టాండుల్లోనూ తాగొద్దు
హాయిగా కాలేజీలోనూ ఆఫీసుల్లోను ఒక బార్ పెట్టుకోండి
అందరూ తాగొచ్చు ప్రమాదాలు జరగవు
అర్థరాత్రి జరిగిన ప్రమాదాలన్నీ తాగి డ్రైవ్ చేసినవే
అఫ్ కోర్స్ జరిగేది జరక్క మానదు
మనది కర్మభూమి సార్
ఎవరి కర్మకి ఎవరు కర్తలు చావు రాసి పెట్టి ఉంటే ఆపడం ఎవరితరం కాదు
తాగనివాళ్ళు చావడం లేదా
మొన్న గోదావరిలో జరిగిన బోటు ప్రమాదంలో ఎవరూ తాగలేదే
మరి ఎందుకు చచ్చిపోయేరు
వాళ్ళకి జలగండం ఉంది అంతే
అంతా మిధ్య సార్ మనం కేవలం నిమిత్తమాత్రులం
ఏవిటో నాలాటి చాదస్తులు ఏదో అంటారు
మాకు కర్మసిద్ధాంతం లేదుకదా
కానీ ఒక్క మాట.. ఉన్నదంతా అమ్ముకొని మిమ్మల్ని చదివించడం తాగి చావడానికా
ఆ తల్లి కడుపు యెంత క్షోభిస్తుందో ఒక్కసారి ఆలోచించండి
నేనూ తల్లినే
ఏది రాసినా ఆడదానిగా ఒక తల్లిగా రాస్తాను
అంత మాత్రాన ఫెమినిస్టుని కాదు
బేటీ బచావో భేటీ పఢావో అన్నది నినాదం మాత్రమే
మా అమ్మ ఎప్పుడూ అనేది పిల్లల్ని కనడం అంత మహాపాపం మరోటి లేదే అని
పిల్లలంటే ఎవరనుకున్నావు
పూర్వ జన్మలో చేసిన పాపాలు అనేది
అమ్మా ఇవన్నీ మనల్ని మనం జోకొట్టుకోడానికి చెప్పేవి
వెధవ పనులు చేసి సమర్ధించుకోవడం అంతే
పిల్లల చేతిలో తల్లితండ్రులు పోవాలి కానీ
వీళ్ళ చేతిలో వాళ్ళుపోకూడదు
బ్రిటిషువాళ్ళు ఉన్నంత కాలం మనం బాగానే ఉన్నాం
తరవాత భ్రష్ష్టు పట్టిపోయేమ్
ఏ నేరానికైనా మూడే కారణాలు
Wine. Woman and wealth
ఇది నేను తెలుకున్న నిజం
జీవితంలో మనకి ఏ పుస్తకాలూ చెప్పనివి అనుభవాలు చెప్తాయి
Life is stranger than fiction
ఇంక మనకి మోక్షం లేదు
నేను ఇదివరకు చెప్పేను
కొన్నాళ్ళకి యువత మిగలదు
భవిత లేదు గతం తలుచుకొని బతకడమే
ఆలా బతకడం అవసరమా
ఆలోచించండి
బీనా దేవి
ఎల్లో జర్నలిజం నడుమ జాతీయ పత్రికా దినోత్సవం…పత్రికా స్వేచ్ఛ ఒక భ్రమ