Bigg Boss 6: బిగ్ బాస్ సీజన్ ఫైవ్ లో జెస్సీ గురించి ప్రత్యేకంగా చెప్పనవసరం లేదు. మోడలింగ్ రంగంలో పేరు సంపాదించిన జెస్సీ బిగ్ బాస్ 5 హౌస్ లో గత ఏడాది అడుగుపెట్టి అద్భుతమైన ఆట తీరు ప్రదర్శించాడు. ప్రారంభంలో కొద్దిగా నెగిటివ్ ఎదుర్కోవటం జరిగింది. మొదటి వారంలోనే ఎలిమినేషన్ నామినేషన్ ప్రక్రియలో ఇంటిలో చాలామంది సభ్యులు జెస్సీకి ఎక్కువ ఓట్లు వేయడం జరిగింది. కచ్చితంగా తొలి వారంలోనే వెళ్ళిపోతారని భావించారు. కానీ అనూహ్యంగా సేవ్ అయి రోజురోజుకి స్ట్రాంగ్ ప్లేయర్ గా మారాడు.
ఏ ఇంటి సభ్యులైతే నెగిటివ్ కామెంట్లు చేశారో వారిచేత శభాష్ అనిపించుకునేలా రాణించాడు. సరిగ్గా ఇప్పుడు జెస్సీ మాదిరిగానే.. మోడలింగ్ రంగం నుండి బిగ్ బాస్ సీజన్ సిక్స్ లో ఎంట్రీ ఇచ్చిన రాజ్ ఆట తీరు ఉందని ఆడియన్స్ అంటున్నారు. రాజ్ మొదటివారం హౌస్ లో ఒక ఫుటేజ్ కూడా లేదు. మనోడు ఎక్కడ కూడా ఓపెన్ కాలేదు. దీంతో తొలివారం వీకెండ్ ఎపిసోడ్ లో నాగార్జున చేత సెటైర్లు వేయించుకున్నాడు. హౌస్ లో అసలు నువ్వు ఉన్నావా..? అంటూ రాజ్ పై నాగార్జున కామెంట్లు చేయడం జరిగింది.
కానీ అనూహ్యంగా రెండో వారం రాజ్ తన ఆట తీరు మొత్తం మార్చేసుకున్నాడు. ఏకంగా హౌస్ కి కెప్టెన్ కావడం జరిగింది. రాజ్ ఆడుతున్న ఆట తీరు చూస్తే సరిగ్గా సీజన్ 5 కంటెస్టెంట్ జెస్సీ ఆట తీరులాగే ఉందని జనాలంటున్నారు. ఇద్దరిలో ఒకటి తేడా ఏమిటంటే రాజ్ పెద్దగా మాట్లాడడు. జెస్సీ వచ్చేసరికి ఎక్కువగా మాట్లాడుతూ అందరితో చాలా సరదాగా జోకులు వేస్తూ కలిసిపోతూ ఉంటారు.
