Bigg Boss 6: బిగ్ బాస్ సీజన్ సిక్స్ ఏడో వారం గేమ్ కొనసాగుతున్న సంగతి తెలిసిందే. ప్రస్తుతం కెప్టెన్సీ టాస్క్ జరుగుతోంది. ఎవరు గేమ్ ఆడటం లేదని బిగ్ బాస్ చివాట్లు పెట్టడం ఫుడ్ ఇవ్వకుండా ఆపడంతో.. కాస్త నిరుత్సాహపడి మళ్ళీ పౌరుషం తెచ్చుకుని గేమ్ ఆడుతూ ఉన్నారు. గత ఆరువారాలలో ఎన్నడూ లేని రీతిలో ఈ వారంలో మాత్రం ఇంటి సభ్యులు ఎవరికి వారు.. నువ్వా నేనా అన్నట్టుగా రెచ్చిపోతున్నారు. ప్రాణ స్నేహితులుగా ఉండే వాళ్లు కూడా గొడవలకు దిగిపోతున్నారు.
గత ఆరు వారాలకు భిన్నంగా ఏడో వారంలో హౌస్ లో వాతావరణం నెలకొంది. ఇదిలా ఉంటే సీజన్ స్టార్ట్ అయిన నాటి నుండి ఏడు వారాలలో ఆరుసార్లు రేవంత్ నామినేట్ కావడం జరిగింది. ప్రతి నామినేషన్ లో ఉన్న అందరి సభ్యుల కంటే రేవంత్ కే ఎక్కువ ఓట్లు పడటం జరిగాయి. అయితే ఈసారి నామినేషన్ లో రేవంత్ ని వెనక్కి నెట్టి మరీ ముందుకెళ్ళిపోయాడు శ్రీహన్. హౌస్ లో వీరిద్దరూ స్నేహితులుగా ఉన్నా గాని ఓటింగ్ పరంగా వీరిద్దరి మధ్య మంచి పోటీ ఏర్పడింది. ఏడో వారంలో శ్రీహన్ ఆట తీరు ఒక్కసారిగా పెరగడంతో ఓటింగ్ గ్రాఫ్ కూడా పెరిగిపోయింది.
శ్రీహాన్‌కి 20 పర్సెంట్ ఓటింగ్ పడితే.. రేవంత్‌కి 18 పర్సెంట్ ఓటింగ్ పడింది. పెద్దగా డిఫరెన్స్ లేకున్నప్పటికీ … చాలాకాలం తర్వాత ఓటింగ్ లో రేవంత్ ని వెనక్కి శ్రీహన్ నెట్టడం సంచలనంగా మారింది. కచ్చితంగా ఇద్దరు టాప్ ఫైవ్ లో ఉండటం మాత్రమే కాదు.. టైటిల్ ఫైట్ కూడా ఇద్దరి మధ్య గట్టిగా ఉంటుందని ఆడియన్స్ నుండి వినపడుతున్న టాక్. ఈ వారం హౌస్ లో ఏకంగా 13మంది నామినేషన్ ఉన్నారు. అందరిలో కంటే ఎక్కువ శ్రీహాన్ కే ఓట్లు పడుతున్నాయి.
