Bigg Boss 6: బిగ్ బాస్ సీజన్ సిక్స్ చివరికి వచ్చేసింది. ఇంకా రెండు వారాలు ఆట మాత్రమే మిగిలి ఉంది. అయితే హౌస్ లో ఎవరు టాప్ ఫైవ్ లో ఉంటారు అన్నది ఆసక్తికరంగా ఉంది. మొత్తం హౌస్ లో 7గురు ఉన్నారు. ఇదిలా ఉంటే ఆదివారం ఎపిసోడ్ లో ఫైమా ఎలిమినేట్ కావటం తెలిసిందే. దాదాపు 13 వారాలు పాటు హౌస్ లో విజయవంతంగా రాణించింది. ఇంకా రెండు వారాలు ఆట మాత్రమే మిగిలి ఉంది. ఈ క్రమంలో టాప్ ఫైవ్ లో ఉంటుందని అందరూ అనుకున్న ఫైమా… ముందుగానే వచ్చేయడం జరిగింది. బిగ్ బాస్ హౌస్ లో రాకముందు జబర్దస్త్ కంటెస్టెంట్ గా కొద్దిపాటి ఇమేజ్ ఉన్న ఫైమా… బిగ్ బాస్ హౌస్ లో ఎంట్రీ ఇచ్చిన తర్వాత మంచి గ్రాఫ్ సంపాదించింది.
బయట తనకున్న కామెడీ యాంగిల్ కొద్దిగా హౌస్ లో మిస్ అవ్వటం ఆమెకు పెద్ద మైనస్ అయింది. ఇదే సమయంలో కొంతమంది పట్ల నోరు జారటం తో పాటు ఎటకారం చేయటంతో.. తొందరగానే ఎలిమినేట్ కావాల్సి వచ్చింది. ఇదిలా ఉంటే హౌస్ నుండి ఎలిమినేట్ అయిన ఫైమాకి బయట మంచి వెల్కం దొరికింది. ఈ క్రమంలో కొన్ని మీడియా ఛానల్ లతో మాట్లాడటం జరిగింది. ఈ సందర్భంగా బిగ్ బాస్ హౌస్ లో ఉన్న కంటెస్టెంట్లలో ఆదిరెడ్డి గెలిస్తే చూడాలనుకుంటున్నట్లు చెప్పుకొచ్చింది.
రేవంత్ కెప్టెన్ సమయంలో అనేక ఇబ్బందులు ఎదుర్కోవటం జరిగిందని.. ఆయనను నిలదీయడమే నాకు మైనస్ అయిందని స్పష్టం చేసింది. ఈ వారం ఎలిమినేట్ అవుతానని అసలు ఊహించలేదు. నీ స్థానంలో శ్రీ సత్య బయటకు రావలసింది అని బయటకు వచ్చాక చాలామంది అంటున్నారు. ఇంకా హౌస్ లో లగ్జరీ లైఫ్ అనుభవించాను. నిజంగా అది నాకు చాలా ఆనందంగా అనిపించింది. స్టార్టింగ్ లో రెండు వారాలు కూడా ఉండనేమో అని అనుకున్నాను. కాని 13 వారాలు పాటు ఉండటం చాలా సంతోషాన్ని కలిగించింది అని ఫైమా.. మాట్లాడటం జరిగింది.