Tag : balakrishna

మెగాస్టార్ చిరంజీవి సోషల్ మీడియాలోకి ఆరంగేట్రం చేసిన తర్వాత తన మనసుకు నచ్చినట్లు సరదాగా మరియు తన అంతరంగాన్ని ఆవిష్కరిస్తూ ఎన్నో ట్వీట్లు వేశారు. తనతో పనిచేసిన నటీనటులు అందరితో సరదాగా ట్విట్టర్లోనే కొద్దిరోజులు కాలక్షేపం చేశారు కూడా. అయితే ఇప్పుడు మెగాస్టార్ కి అసలైన పరీక్ష మొదలైంది. బాలయ్య ఆయనను పరోక్షంగా ఉద్దేశించి చేసిన వ్యాఖ్యలపై చిరంజీవి సోషల్ మీడియాలో గట్టిగా స్పందించాలని అతని అభిమానులు కోరుకుంటున్నారు. ఇప్పటికే మెగా బ్రదర్ నాగబాబు బాలయ్య కు గట్టి కౌంటర్లు ఇవ్వగా అది కూడా సరిపోలేదని అందరి భావన. ఇదిలా ఉండగా.. సామాజిక మాధ్యమం లో పరిస్థితి ఎలా ఉంటుందో చిరంజీవికి ఇంకా పూర్తిగా తెలిసి రాలేదు. అతను ట్విట్టర్ వంటి మీడియం లోనికి అడుగుపెట్టాక ఎదురైన తొలి పరీక్ష ఇది. చిరంజీవి ఒకప్పుడు సోషల్ మీడియాకు దూరం. ఏదైనా విషయం గురించి క్లారిటీ ఇవ్వవలసి వస్తే ప్రెస్ నోట్ తరహాలో ఒక చిన్న సందేశం విడుదల చేసేవారు. కొన్నిసార్లు చిరు పేరిట నకిలీ ప్రెస్ నోట్లు రిలీజ్ అయిన సందర్భాలు కూడా ఉన్నాయి. అప్పట్లో ఓ రేంజ్ లో గందరగోళం నడిచింది కూడా. అది వేరే విషయం అనుకోండి. కానీ ఇప్పుడు చిరంజీవి సోషల్ మీడియాలో ఉన్నారు కాబట్టి ఈ వివాదం పై అతని అంతరంగం ఏమంటుందో పూర్తి స్పష్టత వచ్చేస్తుంది ఒక పక్క మెగా మరియు నందమూరి ఫాన్స్ సోషల్ మీడియా విపరీతంగా తిట్టుకుంటే ఈ సందర్భంలో చిరంజీవి రియాక్ట్ అవుతారో లేదా అనే విషయంపై సందిగ్థత నెలకొంది. ఇకపోతే చిరంజీవి మరియు బాలకృష్ణ మంచి స్నేహితులు. కానీ ఇప్పుడు ఏకంగా తనపైన బాలకృష్ణ అభాండాలు వేశారు. భూములు పంచుకుంటున్నారని సంచలన ఆరోపణలు చేయడంతో పాటు ‘బీప్’ పదాన్ని కూడా వాడటం గమనార్హం. దీనిపై గత కొద్ది రోజులుగా భారీ ఎత్తున వివాదం నడుస్తూనే ఉంది. ఇ దీనికి ఒక ఫుల్ స్టాప్ పెట్టాలి అంటే చిరంజీవి రియాక్ట్ అవ్వక తప్పదు అని కొందరి భావన. ఇప్పటివరకూ సోషల్ మీడియాలో తనతో మాట్లాడిన ప్రతి ఒక్క ప్రముఖుడికి తగిన సమాధానం ఇచ్చిన చిరంజీవి ఒక్కసారిగా సైలెంట్ ఎందుకు అయ్యాడు అన్న విషయంపై ఎవరికి ఒక క్లారిటీ లేదు. ఇప్పటికైనా ఆయన ఈ విషయంపై ఏదైనా ట్వీట్ పెడతారా లేదా సైలెంట్ గా ఊరుకుంటారా అని ప్రశ్న అందరి మెదడుని తొలుస్తోంది....